ഫിലാഡല്‍ഫിയ: മല്ലപ്പള്ളി കല്ലുപുരയില്‍ പരേതനായ അവിരാ ഏബ്രഹാമിന്റെയും ശോശാമ്മ ഏബ്രഹാമിന്റെയും രണ്ടാമത്തെ പുത്രന്‍ ഐസക്ക് ഏബ്രഹാം (തങ്കച്ചന്‍) 2016, ഫെബ്രുവരി 23ന് സ്വവസതിയില്‍ വാര്‍ദ്ധക്യസഹജമായ അസുഖങ്ങളെത്തുടര്‍ന്ന് നിദ്രപ്രാപിച്ചു. ഭാര്യ ലീലാമ്മ ഐസക്ക്, റാന്നി മംഗലത്തുകളത്തില്‍ അന്നമ്മയുടേയും ചാത്തന്‍കേരി വേടംപറമ്പില്‍ പരേതനായ പാപ്പച്ചന്റേയും പ്രഥമ പുത്രിയാണ്.
മക്കള്‍: ഷേര്‍ലി, മിനി. മരുമക്കള്‍: റവ. ഫാദര്‍ വര്‍ഗീസ് ചാക്കോ (ബെന്നി അച്ചന്‍) ഈപ്പന്‍ വര്‍ഗീസ് (മോനച്ചന്‍).
കൊച്ചുമക്കള്‍: ബോവസ്, ക്രിസ്റ്റി, മെലിസാ, മെര്‍ലിന്‍, മാത്യു.
കലാലയ വിദ്യാഭ്യാസത്തിനുശേഷം വോര്‍ട്ടാസ് ഇന്‍ഡ്യാ ലിമിറ്റഡില്‍ ഔദ്യോഗിക ജീവിതം ആരംഭിച്ച ശ്രീമാന്‍ ഐസക്ക് സാമൂഹ്യ സാംസ്ക്കാരിക മണ്ഡലങ്ങളില്‍ അഭിനന്ദനീയമായ സേവനം അനുഷ്ഠിച്ചിട്ടുണ്ട്.
കോണ്‍പൂര്‍ നഗരത്തിലെ ആദ്യകാല മലയാളിയായ ഐസക്ക് ഓര്‍ത്തഡോക്‌സ് മര്‍ത്തോമ്മ സഭാംഗങ്ങളെ സംഘടിപ്പിച്ച് ആദ്യ ആരാധനാലയത്തിന് തുടക്കം കുറിച്ചു. തിരക്കേറിയ ഔദ്യോഗികവൃത്തിയോടൊപ്പം ഉദാരചിത്തനായ പരേതന്‍ ജീവകാരുണ്യപ്രവര്‍ത്തനങ്ങളിലും ആദ്ധ്യാത്മികരംഗങ്ങളിലും വിശ്രമരഹിതനായി പ്രവര്‍ത്തിച്ചു. ലെക്‌നോ ഓര്‍ത്തഡോക്‌സ് ദേവാലയത്തിന്റെ സ്ഥാപക നേതാക്കളിലൊരാളാണ് ശ്രീമാന്‍ ഐസക്ക്.
1995-ല്‍ ഭാര്യസമേതം അമേരിക്കയില്‍ എത്തിയ ഐസക് ആദ്ധ്യാത്മികതലത്തില്‍ ആത്മാര്‍ത്ഥമായി നിലകൊണ്ടു.
വ്യൂയിങ്: പരേതന്റെ ഇടവകയായ ഫിലാഡല്‍ഫിയ സെന്റ് ജോര്‍ജ് മലങ്കര ഓര്‍ത്തഡോക്‌സ് ചര്‍ച്ച്, 520 ഹുഡ് ബുള്‍വാഡ്, ഫെയര്‍ലെസ് ഹില്‍സ്, പി. ഏ. 19030-ല്‍ വെള്ളിയാഴ്ച ഫെബ്രുവരി മാസം 26-ാം തീയതി സായാഹ്നം 5.30 മുതല്‍ 8.30 വരെ.
ശവസംസ്ക്കാര ചടങ്ങുകള്‍ നാട്ടില്‍ മല്ലപ്പള്ളി സെന്റ് ജോണ്‍സ് ഓര്‍ത്തഡോക്‌സ്- ബദനി പള്ളിയില്‍ മാര്‍ച്ച് മാസം ഒന്നാം തീയതി ചൊവ്വാഴ്ച രാവിലെ 10 മണിക്ക് നടത്തുന്നതായിരിക്കും.
കൂടുതല്‍ വിവരങ്ങള്‍ക്ക്: വി. സി. ജോര്‍ജ്ജ് (ഫോണ്‍: 2156739867)
