പുകവലിച്ചാല്‍ വലിയ വില നല്‍കേണ്ടിവരുമെന്ന് അറിയാത്തവരില്ല. പുകവലി തുടര്‍ന്നാല്‍ ജീവന്‍ പോവുക മാത്രമല്ല, ബോളിവുഡിന്റെ മാദകറാണി സണ്ണി ലിയോണിനൊപ്പം ചിലവിടേണ്ട വിലപ്പെട്ട സമയവും നഷ്ടമാകും. ചിലര്‍ക്കെങ്കിലും ജീവനേക്കാള്‍ വലുതാകും ഇതെന്ന കാര്യത്തില്‍ ഒരു തര്‍ക്കവും വേണ്ട.
ഇലവന്‍ മിനിറ്റ്‌സ് എന്ന നാലര മിനിറ്റ് മാത്രം ദൈര്‍ഘ്യം വരുന്ന പരസ്യത്തിലാണ് ആളുകളെ പുകവലി ഉപേക്ഷിക്കാന്‍ പ്രേരിപ്പിക്കാനായി സണ്ണി ലിയോണ്‍ എത്തുന്നത്. പുകവലിച്ച് സ്‌പോഞ്ച് പോലെയാകുന്ന ശ്വാസകോശം കണ്ടു മടുത്തവരെ എന്നാല്‍, ആവേശം കൊള്ളിക്കും സണ്ണി ലിയോണിന് പുറമെ ദീപിക് ദോബ്രിയാലും അലോക്‌നാഥും ശ്രദ്ധേയമായ വേഷങ്ങള്‍ ചെയ്യുന്ന പരസ്യം.
പുകവലി കാരണം മരണാസന്നനായ യുവാവിന്റെ വേഷമാണ് പരസ്യത്തില്‍ ദീപക് ധോബ്രിയാലിന്. ഇയാളുടെ അച്ഛനാകുന്നത് അലോക്‌നാഥാണ്. മകന് ഒരു അന്ത്യാഭിലാഷം. അവന് അച്ഛന് തന്റെ ഫോണില്‍ ഒരു ചിത്രം കാണിച്ചു കൊടുക്കുന്നു. മകന്റെ ആഗ്രഹം സാധിക്കാന്‍ അച്ഛന് ഉടനെ സ്‌കൂട്ടറുമെടുത്ത് പുറപ്പെടുറകയാണ്. തിരിച്ചുവരുന്നതാവട്ടെ ഏത് കഠിനഹൃദയന്റെയും സിരകളെ ഉണര്‍ത്തുന്ന സണ്ണി ലിയോണുമായി. സണ്ണി ലിയോണിന്റെ മേനിയഴകവും സ്പര്‍ശനസുഖവും അനുഭവിച്ചു തീരുംമുന്‍പേ മകന് അവസാനശ്വാസം വലിക്കുന്നിടത്താണ് പരസ്യം അവസാനിക്കുന്നത്. പതിനൊന്ന് മിനിറ്റ് നേരം മാത്രമാണ് അവന് സണ്ണി ലിയോണിനൊപ്പം ലഭിക്കുന്നത്. ഓരോ സിഗരറ്റും നിങ്ങളുടെ ജീവിതത്തില്‍ നിന്ന് പതിനൊന്ന് മിനിറ്റ് കുറയ്ക്കുന്നുവെന്ന സന്ദേശത്തോടെയാണ് പരസ്യത്തിന് തിരശ്ശീല വീഴുന്നത്.
പുകവലി നിര്‍ത്തിയിരുന്നെങ്കില്‍ ഇത്തിരി നേരം കൂടി അവനില്‍ പ്രാണന്‍ നില്‍ക്കുമായിരുന്നെന്നും ആരെയും ചിന്തിപ്പിക്കും ഈ പരസ്യം.
ഒരു യുവ ബ്രസീലിയന്‍ അഭിസാരികയുടെ കയുടെ കഥ പറഞ്ഞ പൗലോ കോയ്‌ലോയുടെ പ്രശസ്ത നോവല്‍ ഇലവന്‍ മിനിറ്റ്‌സിനെ അധികരിച്ചാണ് പരസ്യത്തിന് ഈ പേരിട്ടത്. സണ്ണി ലിയോണ്‍ മാത്രമല്ല, ദീപക് ദോബ്രിയാലും അലോക്‌നാഥും കിടിലന്‍ന്‍ പ്രകടനമാണ് പരസ്യത്തില്‍ കാഴ്ചവച്ചത്.
വിഭു പുരിയാണ് പരസ്യം സംവിധാനം ചെയ്തത്. അങ്കിത് ശര്‍മയും മനിഷ് ഭട്ടും വിഭു പുരിയും ചേര്‍ന്നാണ് രചന നിര്‍വഹിച്ചത്.
