ന്യൂഡല്‍ഹി: ബ്രസീലില്‍ നടക്കുന്ന റിയോ-2016 ഒളിമ്പിക്‌സില്‍ ഇന്ത്യക്കു വേണ്ടി ലിയാന്‍ഡര്‍ പേസ്- മഹേഷ് ഇരുവരും മുംബൈയില്‍ കൂടിക്കാഴ്ച നടത്തിയതായും ഒരുമിച്ചു കളിക്കാന്‍ താല്‍പര്യം പ്രകടിപ്പിച്ചതായും റിപ്പോര്‍ട്ടുകള്‍ പുറത്തുവന്നിട്ടുണ്ട്.
ടെന്നിസിലെ ഇന്ത്യയുടെ എക്കാലത്തെയും മികച്ച സഖ്യമാണ് പേസ്-ഭൂപതി ജോഡി. റിയോയില്‍ ഇവര്‍ ഒന്നിച്ചാല്‍ ടെന്നിസ് കോര്‍ട്ടിലെ ഇന്ത്യയുടെ മെഡല്‍ പ്രതീക്ഷകള്‍ക്ക് കരുത്തേറുമെന്നുറപ്പ്.
1999ലെ ഫ്രഞ്ച് ഓപ്പണ്‍, വിംബിള്‍ഡണ്‍ കിരീടങ്ങള്‍ നേടിയ പേസ്-ഭൂപതി സഖ്യം അതേവര്‍ഷം ഓസ്‌ട്രേലിയന്‍ ഓപ്പണിന്റെയും യു.എസ്. ഓപ്പണിന്റെയും ഫൈനലിലും എത്തിയിട്ടുണ്ട്.
1996ലെ അറ്റ്‌ലാന്റാ ഒളിമ്പിക്‌സിലെ വെങ്കല മെഡല്‍ ജേതാവാണ് പേസ്. ഭൂപതിയും രോഹന്‍ ബൊപ്പണ്ണയും വിസമ്മതിച്ചതിനെ തുടര്‍ന്ന് 2012ലെ ലണ്ടന്‍ ഒളിമ്പിക്‌സില്‍ വിഷ്ണുവര്‍ധനായിരുന്നു പേസിന്റെ പങ്കാളി.
