ജൂലൈ ഏഴു മുതല്‍ പത്ത് വരെ ഫ്‌ലോറിഡയിലെ മയാമിയില്‍ വെച്ചുനടക്കുന്ന ഫോമായുടെ അഞ്ചാമത് അന്തര്‍ദേശീയ കണ്വന്ഷന് തിരി തെളിയ്ക്കാന്‍ ബഹുമുഖപ്രതിഭകള്‍.
മയാമി ബീച്ച് സിറ്റി മേയര്‍ ഫിലിപ്പ് ലീവൈന്‍, അറ്റ്‌ലാന്റ ഇന്ത്യന്‍ കോണ്‍സല്‍ ജെനറല്‍ നാഗേഷ് സിംഗ്, മുന്‍ ഇന്ത്യന്‍ അംബാസിഡര്‍ ടി.പി. ശ്രീനിവാസന്‍, ഓണററി കോണ്‍സല്‍ ജെനറല്‍ ഓഫ് സ്ലോവോക്യാ ഡോക്ടര്‍ റോയി സി. ജെ, ഡോക്ടര്‍ എം വി പിള്ള, ഡെപ്യുട്ടി ഇന്‍സ്‌പെക്ടര്‍ ജനറല്‍ വിജയന്‍ ഐ.പി.സ്, മുന്‍ എം. പി. ബിനോയ് വിശ്വം, മികച്ച നടനുള്ള ദേശീയ പുരസ്‌കാര ജേതാവ് സുരാജ് വെഞ്ഞാറമ്മൂട്, മൂലന്‍സ് ഗ്രൂപ്പിന്റെ ഉടമ വര്‍ഗീസ് മൂലന്‍, ചെമ്മണ്ണൂര്‍ ഗ്രൂപ്പിന്റെ ഉടമ ബോബി ചെമ്മണ്ണൂര്‍ എന്നീ പ്രമുഖര്‍ വിവിധ പരിപാടികള്‍ക്ക് തിരിതെളിയ്ക്കും.
കണ്‍വന്‍ഷന്റെ കൊടിയേറി നില്‍ക്കുമ്പോള്‍, ഒരു ഉത്സവത്തിന്റെ തിരക്കാണ് ഫോമാ നേതാക്കള്‍ക്ക്. അരങ്ങ് ഒരുക്കുന്നതിലും, സമയനിഷ്ഠ പാലിച്ചു കൊണ്ടുള്ള, കാര്യപരിപാടികളുടെ ക്രമീകരണങ്ങള്‍ അണിയറയില്‍ പുരോഗമിക്കുന്നു.
ഫോമാ കണ്‍വന്‍ഷനിലെ കാര്യപരിപാടികളുടെ പൂര്‍ണ്ണരൂപം വൈകാതെ അറിയിക്കുമെന്ന് കണ്വന്ഷന് കമ്മറ്റി അറിയിച്ചു.
