ടൊറന്റോ: ഫൊക്കാന കണ്വന്ഷനോടനുബന്ധിച്ച് വെള്ളിയാഴ്ച വൈകുന്നേരം നടത്തുന്ന ഐഡിയ സ്റ്റാര് സിംഗര് മത്സരത്തിന്റെ ഫൈനല് റൗണ്ടിലേക്കുള്ള മത്സരാര്ഥികളെ തെരഞ്ഞെടുത്തു. ഒ.എന്.വി നഗറില് രാവിലെ നടത്തിയ പ്രിലിമിനറി മത്സരം നിയന്ത്രിച്ചത് പ്രശസ്ത ഗായകരായ ജി.വേണുഗോപാലും, സിത്താരയുമാണ്. പ്രാദേശിക തലത്തില് വിജയിച്ചു വന്ന എട്ടു പേരാണ് പ്രിലിമിനറി സെലക്ഷന് റൗണ്ടില് പങ്കെടുത്തത്. ഫൊക്കാന നേതാക്കള് മത്സരത്തിനു വേണ്ട ക്രമീകരണങ്ങള് ഒരുക്കി.