അതിവേഗം എന്നെ പുറത്താക്കി നിങ്ങൾ
കരുതലായ് കരുതി കാത്തുവച്ചിരുന്നിട്ടും
നിനയ്ക്കാത്ത നേരത്തു പോകേണ്ടി വന്നതാൽ
കഷ്ടത്തിലാക്കി ഞാൻ നിങ്ങളെയും ..
നനവിലും തീയിലും തെല്ലും തൊടാതെ
നെഞ്ചോട് ചേർത്തെന്നെ കരുതിയോരെ
അക്ഷമരായ് ഉപേക്ഷിച്ചിടുവാനെത്ര തിടുക്കം
കാട്ടുന്നു നിങ്ങളീയിരവിലും പകലിലും ?
ഓർക്കണം നിങ്ങളെൻ സേവനത്തെ
മറക്കരുതീ മുഖം മരിക്കുവോളം !
അല്ലെങ്കിൽ തന്നെയീ ജീവിതമിങ്ങനാ –
പ്രിയമുള്ളതാകും ചിലനേരം നമ്മൾ
അപ്രിയമാകും പെടുന്നനെയും !!!!
അഞ്ഞൂറും ആയിരോം പോയതുപോൽ
പോകുവാനുള്ളവർ മാത്രം നമ്മൾ !!
ഷീലമോൻസ് മുരിക്കൻ