ഉംറ തീര്‍ഥാടകര്‍ക്ക് സൗദിക്കകത്തും പുറത്തും നല്‍കുന്ന സേവനത്തിനുള്ള ലൈസന്‍സിന് ഓണ്‍ലൈന്‍ വഴി അപേക്ഷ സമര്‍പ്പിക്കാമെന്ന് സഊദി ഹജ്ജ്, ഉംറ മന്ത്രാലയം വ്യക്തമാക്കി. അതേ സമയം മന്ത്രാലയം ഏര്‍പ്പെടുത്തിയ പുതിയ ഓണ്‍ലൈന്‍ സംവിധാനത്തെക്കുറിച്ച് കൂടുതല്‍ വിശദാംശങ്ങള്‍ പുറത്തുവിട്ടിട്ടില്ല.

വിദേശ ഉംറ ഏജന്‍സികള്‍ക്കുള്ള യോഗ്യത സര്‍ട്ടിഫിക്കറ്റിനും ഓണ്‍ലൈന്‍ വഴിയാണ് അപേക്ഷിക്കേണ്ടത്. ഇന്നലെയാണ് മന്ത്രാലയത്തിന്റെ ഓണ്‍ലൈന്‍ ലൈസന്‍സ് സംവിധാനത്തെക്കുറിച്ച് ഔദ്യോഗിക പ്രഖ്യാപനമുണ്ടായത്. www.haj.gov.sa എന്ന വെബ്‌സൈറ്റ് വഴി ഏപ്രില്‍ 30 മുതല്‍ മെയ് 30 വരെ ഒരു മാസക്കാലാവധിയാണ് സ്വദേശ, വിദേശ ഏജന്‍സികള്‍ക്ക് അപേക്ഷ സമര്‍പ്പിക്കാന്‍ നിശ്ചയിച്ചിരിക്കുന്നത്.

LEAVE A REPLY

Please enter your comment!
Please enter your name here