ന്യൂഡല്ഹി: ഇന്റര്നെറ്റ് രംഗത്തെ അതികായകരാവാനുള്ള ശ്രമം ജിയോ വിടാതെ തുടരുന്നു. അമ്പരപ്പിക്കുന്ന മൊബൈല് ഡാറ്റയ്ക്കു പിന്നാലെ, ഇപ്പോള് ബ്രോഡ്ബാന്ഡ് കണക്ഷനുകള്ക്കും വമ്പന് ഓഫര് പ്രഖ്യാപിച്ചിരിക്കുകയാണ്.
500 രൂപയ്ക്ക് 100 ജി.ബി ഡാറ്റയാണ് ജിയോഫൈബര് എന്നു പേരിട്ടിരിക്കുന്ന ബ്രോഡ്ബാന്ഡിന്റെ ഓഫര്. ദീപാവലി ഓഫറായി ഇത് അവതരിപ്പിക്കാനാണ് ജിയോയുടെ പദ്ധതി.
മറ്റു കമ്പനികള് ഇതിന്റെ ഇരട്ടി തുകയ്ക്ക് പകുതി ഡാറ്റ മാത്രം ഓഫര് ചെയ്യുന്ന സയമത്താണ് ജിയോ ഒരിക്കല് കൂടി വെല്ലുവിളിയായിരിക്കുന്നത്. നേരത്തെ, മൊബൈല് ഡാറ്റ ഓഫറുകള് നല്കുന്നതിനെതിരെ മറ്റു കമ്പനികള് ട്രായിയെ സമീപിച്ചിരുന്നു.