ഭാവന ആദ്യമായി അഭിനയിച്ച ഹ്രസ്വചിത്രം യൂട്യൂബില്. ഭാവനയ്ക്കു പുറമെ സായി കുമാറും ആദ്യമായി ഓപ്പണ് യുവര് മൈന്ഡ് എന്ന ഹ്രസ്വചിത്രത്തില് വേഷമിട്ടു. ചുറ്റും കണ്ടുവരുന്നതും അതേസമയം കാലഹരണപ്പെട്ടു പോകേണ്ടതുമായ ചിന്താഗതികളെക്കുറിച്ചാണ് ഈ ചിത്രം പറയുന്നത്.
സ്ത്രീകളോടുള്ള സമീപനം എന്താണെന്നോ എവിടെ പ്രതികരിക്കണമെന്നോ പുതിയ തലമുറയ്ക്ക് അറിയില്ലെന്നും ഷോര്ട്ട് ഫിലിം പറയുന്നു. തീവ്രം , സാരഥി തുടങ്ങിയ ചിത്രങ്ങളിലൂടെ ശ്രദ്ധേയനായ യുവനടന് വിഷ്ണു ജി. രാഘവ് ആണ് സംവിധായകന്.
ബിന്ദു പണിക്കര്, ദിനേശ് പണിക്കര്, അനു മോഹന്, മായ വിശ്വനാഥ് തുടങ്ങിയവരും ചിത്രത്തില് അണിനിരക്കുന്നുണ്ട്. വിനു മോഹനും പ്രജില് മണിക്കോത്തുമാണ് നിര്മാണം. അനു മോഹന്റെയും വിഷ്ണുവിന്റെയുമാണ് തിരക്കഥ.