ന്യൂയോര്ക്ക്: 2018 ജൂലൈ 4 മുതല് 7 വരെ ഫിലാഡൽഫിയായിലെ വാലി ഫോർജ് കണ്വന്ഷൻ സെന്റർ ആൻഡ് കസിനോ യിൽ വെച്ച് നടക്കുന്ന ഫൊക്കാനാ നാഷണല് കണ്വന്ഷന്റെ കൺവീനർമാരായി വർഗീസ് തോമസ്കടുവപറമ്പിൽ (ഡിട്രോയിറ്റ്),ഫിലിപ്പോസ് ചെറിയാൻ (ഫിലാഡൽഫിയ),സുമോദ് തോമസ് നെല്ലിക്കൽ (ഫിലാഡൽഫിയ),ജോൺ മാത്യു(ബോബി ) (ന്യൂ യോർക്ക് ) എന്നിവരെ നിയമിച്ചതായി പ്രസിഡന്റ് തമ്പി ചാക്കോ സെക്രട്ടറി ഫിലിപ്പോസ് ഫിലിപ്പ് എന്നിവർ അറിയിച്ചു.
ഫൊക്കാനയുടെ പ്രവര്ത്തനങ്ങള്ക്കും, കണ്വന്ഷന്റെ സുഖമായ നടത്തിപ്പിന് ഇവരുടെ സേവനം വളരെയേറെ ഗുണംചെയ്യും. കണ്വന്ഷന്റെ രജിസ്ട്രേഷന് വളരെ വേഗത്തില് നടക്കുന്നു.ഫൊക്കാന കണ്വന്ഷന് കുറ്റമറ്റതാക്കാന് ഈ കണ്വീനര്മാരുടെ സേവനം അതീവ പ്രാധാന്യമുള്ളതാണെന്ന് പ്രസിഡന്റ് തമ്പി ചാക്കോ, സെക്രട്ടറി ഫിലിപ്പോസ് ഫിലിപ്പ് , കണ്വന്ഷന് ചെയര്മാന് മാധവൻ നായർ എന്നിവർ അഭിപ്രായപ്പെട്ടു. എല്ലാവരും തങ്ങളുടെ കഴിവും പരിജ്ഞാനവും കണ്വന്ഷന്റെ വിജയത്തിനായി പ്രയോഗിക്കുമെന്നും അവര് കൂട്ടിച്ചേര്ത്തു.