ന്യൂ ജേഴ്‌സി : പാറ്റേഴ്സൺ സെൻറ് ജോർജ് ഇടവകയിൽ സീറോ മലബാര്‍ കാത്തലിക് കോണ്‍ഗ്രസ് (എസ്എംസിസി) പുനഃ:സംഘടിപ്പിച്ചു ! സംഘടനയ്ക് പുതിയ നേതൃത്വം.
അമേരിക്കയിലെ ചിക്കാഗോ ആസ്ഥാനമായുള്ള സീറോ മലബാര്‍ കത്തോലിക്കാ രൂപതയുടെ അത്മായ സംഘടനയായ സീറോ മലബാര്‍ കാത്തലിക് കോണ്‍ഗ്രസ് (എസ്.എം.സി.സി) യുടെ ന്യൂ ജേഴ്‌സി സെൻറ് ജോർജ് സീറോ മലബാര്‍ കത്തോലിക്കാ ഇടവകയിലെ ശാഖയുടെ പ്രവർത്തനങ്ങൾ പുനരുജീജ്ജീവിപ്പിക്കുന്നതിന്റെ ഭാഗമായി റവ : ഫാദർ ജേക്കബ് ക്രിസ്റ്റിയുടെ നേതൃത്വത്തിൽ നടന്ന യോഗത്തിലാണ് 2017 – 2019 വര്‍ഷങ്ങളിലേക്കുള്ള പുതിയ നേതൃത്വത്തെ തെരഞ്ഞെടുത്തത്.
ജോയ് ചാക്കപ്പൻ (പ്രസിഡന്റ്), ടോം സെബാസ്റ്റ്യൻ (സെക്രട്ടറി), ജോസഫ് ഇടിക്കുള (ട്രഷറർ), (വൈസ് പ്രസിഡന്റ്) മരിയ തൊട്ടുകടവിൽ, (ജോയിന്റ് സെക്രട്ടറി) ആൽബർട്ട്ആന്റണി, (ജോയിന്റ് ട്രഷറർ) സോജൻ ജോസഫ്, (നാഷണൽ കോ – ഓർഡിനേറ്റർ ) എൽദോ പോൾ എന്നിവർ ഭാരവാഹികളായും കമ്മറ്റിയിലേക്ക് ഇടവക ട്രസ്റ്റിമാരായ ജോംസൺ ഞാലിമ്മാക്കൽ,തോമസ് തൊട്ടുകടവിൽ കൂടാതെ ബോബി അലക്സാണ്ടർ, ഫ്രാൻസിസ് പള്ളുപ്പെട്ട, സാമുവേൽ ജോസഫ്, എന്നിവരെയും ഓഡിറ്ററായി ബോബി വടശ്ശേരിലിനെയും യോഗം തിരഞ്ഞെടുത്തു.
സഭയുടെ വളര്‍ച്ചയില്‍ കരുതലും സംരക്ഷണവുമായി പ്രവര്‍ത്തിക്കാനും അത്മായരുടെ നന്മയും ആദ്ധ്യാത്മിക വളര്‍ച്ചയും ലക്ഷ്യമിട്ടുള്ള പ്രവര്‍ത്തനങ്ങളില്‍ സജീവസാന്നിധ്യമാകാനും പുതിയ നേതൃത്വത്തിന് സാധിക്കുമാറാകട്ടെയെന്ന് റവ : ഫാദർ ജേക്കബ് ക്രിസ്റ്റി ആശംസിച്ചു, സംഘടനയുടെ എല്ലാ പ്രവർത്തനങ്ങൾക്കും ഇടവകയുടെ പൂർണ പിന്തുണ ഉണ്ടാവുമെന്ന് ഇടവക ട്രസ്റ്റിമാരായ ജോംസൺ ഞാലിമ്മാക്കൽ,തോമസ് തൊട്ടുകടവിൽ എന്നിവർ അറിയിച്ചു.
