കൊച്ചി: നടിയെ തട്ടിക്കൊണ്ടുപോയി ആക്രമിച്ച കേസിൽ പ്രതിയായ നടൻ ദിലീപ് നായകനായി അഭിനയിച്ച ‘രാമലീല’ ഇന്ന് തിയേറ്റുകളിലെത്തും. ഷൂട്ടിങ് പൂർത്തിയാക്കി ജൂൈല 21ന് ചിത്രം റിലീസ് ചെയ്യുമെന്നായിരുന്നു നേരത്തെ അറിയിച്ചിരുന്നത്. എന്നാൽ നടിയെ ആക്രമിച്ച കേസിൽ ദിലീപ് അറസ്റ്റിലായതോടെ റിലീസ് അനന്തമായി നീളുകയായിരുന്നു. മഞ്ജുവാര്യർ നായികയാവുന്ന ഉദാഹരണം സുജാതയും ഇന്ന് തിയേറ്ററുകളിലെത്തും.
പുലിമുരുകന്റെവിജയത്തിന് ശേഷം മുളകുപാടം ഫിലിംസിന്റെ ബാനറിൽ ടോമിച്ചൻ മുളകുപാടം നിർമിക്കുന്ന ചിത്രമാണ് രാമലീല. നവാഗതനായ അരുൺ ഗോപിയാണ് സിനിമ സംവിധാനം ചെയ്യുന്നത്. പ്രയാഗ മാർട്ടിനാണ് നായിക. സച്ചിയാണ് തിരക്കഥ രചിച്ചിരിക്കുന്നത്. മുകേഷ്, സായ്കുമാര്, വിജയരാഘവന്, സിദ്ദിഖ്, സുരേഷ് കൃഷ്ണ, കലാഭവന് ഷാജോണ് എന്നിവരും തമിഴ് നടി രാധികാ ശരത്കുമാറും ചിത്രത്തിലുണ്ട്.