വിവിധ പരിപാടികളിലൂടെ ജന ശ്രദ്ധ ആകർഷിച്ചു കൊണ്ടിരിക്കുന്ന ചിക്കാഗോ മലയാളീ അസോസിയേഷൻ നടത്തുന്ന ജീവ കാരുണ്യ പ്രവർത്തനങ്ങളുടെ ഭാഗമായ ഫുഡ് ഡ്രൈവ് ഡെസ്പ്ലെയിൻസിലുള്ള കാത്തോലിക് ചാരിറ്റീസിൽ വെച്ച് നടത്തി . ഈ വര്ഷം രണ്ടാമത് പ്രാവശ്യം ആണ് ചിക്കാഗോ മലയാളീ അസോസിയേഷൻ ഈ ഫുഡ് ഡ്രൈവ് നടത്തുന്നത് . ഭവന രഹിതരും നിരാലംബരുമായ നൂറോളം ആളുകൾക്ക് സൗജന്യമായി ഭക്ഷണം വിതരണം ചെയ്യുകയുണ്ടായി . ഈ പരിപാടിക്ക് ആവശ്യമായ തുക സമാഹരിച്ചത് മലയാളീ അസോസിയേഷൻ ബോർഡ് അംഗങ്ങളുടെ പക്കൽ നിന്ന് മാത്രമാണ്. ഈ ഫുഡ് ഡ്രൈവിന്റെ കോർഡിനേറ്റർ വൈസ് പ്രസിഡന്റ് ജോൺസൻ കണ്ണൂക്കാടൻ ആയിരുന്നു
ഇതുപോലെയുള്ള ജീവകാരുണ്യ പ്രവർത്തനങ്ങൾ ചിക്കാഗോയിലും നാട്ടിലുമായി ചിക്കാഗോ മലയാളീ അസോസിയേഷൻ നടത്തുമ്പോൾ സഹകരിക്കുവാൻ ആഗ്രഹിക്കുന്നവർ ഭാരവാഹികളുമായി ബന്ധപെടുക . ഒരു നോൺ പ്രോഫിറ്റ് ഓർഗനൈസേഷൻ ആയ ചിക്കാഗോ മലയാളീ അസോസിയേഷന് നൽകുന്ന സംഭാവനകൾ എല്ലാം നികുതി വിമുക്തമായിരിക്കും.
ഫുഡ് ഡ്രൈവിന് രഞ്ജൻ എബ്രഹാം, ജിമ്മി കണിയാലി , ഫിലിപ്പ് പുത്തൻപുരയിൽ, ജോൺസൻ കണ്ണൂക്കാടൻ, ജിതേഷ് ചുങ്കത്, ജേക്കബ് മാത്യു പുറയംപള്ളിൽ, ജോഷി വള്ളിക്കളം, മോനു വറുഗീസ് തുടങ്ങിയവർ നേതൃത്വം നൽകി.
റിപ്പോർട്ട് : ജിമ്മി കണിയാലി