Home / വിനോദം / കവിത / കടമെങ്ങനെ തീര്‍ക്കുവനാകും (കവിത : പി ഡി ജോര്‍ജ് നടവയല്‍)

കടമെങ്ങനെ തീര്‍ക്കുവനാകും (കവിത : പി ഡി ജോര്‍ജ് നടവയല്‍)

ഈയുള്ളോന്‍: ശ്വസിച്ച വാതകമത്രയും കരുതിവച്ചിരുന്നേല്‍ അതൊരു തീക്കാറ്റാകുമായിരുന്നു. ഉച്ചരിച്ച വാക്കുകളത്രയും ചേര്‍ത്തുവച്ചിരുന്നേല്‍ ഇടിവെട്ടാകുമായിരുന്നു. താണ്ടിയ പദനിസ്വനം ഒന്നായാലതു രണഭേരിയാകുമായിരുന്നു. പൊഴിച്ച മിഴിനീരത്രയും ഒരുമിച്ചൊഴുക്കിയാലതു പേമാരിയാകുമായിരുന്നു. ഭുജിച്ചതൊക്കെയും കൂട്ടി വച്ചലൊരു സഹ്യപര്‍വതമാകുമായിരുന്നു. കുടിച്ച ദ്രാവകങ്ങളാകെ ചൊരിഞ്ഞാലതു പെരിയാറാകുമായിരുന്നു. നിത്യമൊരു കടമാം കഥയായ്; കടങ്കഥയായ് ജീവിത പ്രയാണ നെറുകയില്‍ നിറകൊള്ളുമ്പോളമ്മേ, വിശ്വമഹാദേവീ, നന്ദിയെന്നല്ലാതെന്തു നിനപ്പാനമ്മേ? സര്‍വം സഹേ, ഈ കടമെങ്ങനെ തീര്‍ക്കുവനാകുമമ്മേ? ഈ കടം ഞാന്‍ കൊണ്ടിരുന്നില്ലേല്‍ വിശ്വം വിശ്വമാകയില്ലായിരുന്നെന്ന് നിനക്കറിയുമല്ലോ അമ്മേ! എങ്കിലും, ഈ കടമെങ്ങനെ തീര്‍ക്കുവനാകുമമ്മേ?

പി ഡി ജോര്‍ജ് നടവയല്‍

User Rating: Be the first one !

ഈയുള്ളോന്‍:
ശ്വസിച്ച വാതകമത്രയും
കരുതിവച്ചിരുന്നേല്‍
അതൊരു തീക്കാറ്റാകുമായിരുന്നു.
ഉച്ചരിച്ച വാക്കുകളത്രയും
ചേര്‍ത്തുവച്ചിരുന്നേല്‍
ഇടിവെട്ടാകുമായിരുന്നു.
താണ്ടിയ പദനിസ്വനം
ഒന്നായാലതു
രണഭേരിയാകുമായിരുന്നു.
പൊഴിച്ച മിഴിനീരത്രയും
ഒരുമിച്ചൊഴുക്കിയാലതു
പേമാരിയാകുമായിരുന്നു.

ഭുജിച്ചതൊക്കെയും
കൂട്ടി വച്ചലൊരു
സഹ്യപര്‍വതമാകുമായിരുന്നു.
കുടിച്ച ദ്രാവകങ്ങളാകെ
ചൊരിഞ്ഞാലതു
പെരിയാറാകുമായിരുന്നു.
നിത്യമൊരു
കടമാം കഥയായ്;
കടങ്കഥയായ്
ജീവിത പ്രയാണ നെറുകയില്‍
നിറകൊള്ളുമ്പോളമ്മേ,
വിശ്വമഹാദേവീ,
നന്ദിയെന്നല്ലാതെന്തു
നിനപ്പാനമ്മേ?
സര്‍വം സഹേ,
ഈ കടമെങ്ങനെ
തീര്‍ക്കുവനാകുമമ്മേ?
ഈ കടം ഞാന്‍ കൊണ്ടിരുന്നില്ലേല്‍
വിശ്വം വിശ്വമാകയില്ലായിരുന്നെന്ന്
നിനക്കറിയുമല്ലോ അമ്മേ!
എങ്കിലും,
ഈ കടമെങ്ങനെ തീര്‍ക്കുവനാകുമമ്മേ?

Check Also

ഓക്കി ബാധിതരെ സഹായിക്കാൻ പ്രവാസികൾക്ക് എന്ത് ചെയ്യാം.

ചിക്കാഗോ: "പ്രകൃതി ദുരന്തങ്ങൾ മാധ്യമങ്ങളുടെ തലക്കെട്ടുകൾ കീഴടക്കുമ്പോഴും, ഞൊടി നേരത്തേക്കുള്ള ദേശീയ ശ്രദ്ധ പിടിച്ചു പറ്റുമ്പോഴും പുനരധിവാസവും പുന:സ്ഥാപിക്കലും ദീർഘമായി …

Leave a Reply

Your email address will not be published. Required fields are marked *