40 വര്‍ഷത്തെ സര്‍വ്വീസുള്ള ലുപ് ഷെറിഫ് സ്ഥാനം രാജിവെച്ചതിനുശേഷം ഇന്നാണ് (ഡിസംബര്‍ 6ന്) ഗവര്‍ണ്ണര്‍ സ്ഥാനാര്‍ത്ഥിയായി മത്സരിക്കുന്ന വിവരം ഔദ്യോഗീകമായി പ്രഖ്യാപിച്ചത്.
1990 നുശേഷം ഒരൊറ്റ ഡമോക്രാറ്റ് ഗവര്‍ണ്ണറേയും വിജയിപ്പിക്കാത്ത ടെക്‌സസില്‍ ആദ്യമായാണ് ഹിസ്പാനിക്ക് വനിതാ ഡമോക്രാറ്റിക്ക് പാര്‍ട്ടി സ്ഥാനാര്‍ത്ഥിത്വത്തിനായി മത്സരത്തിനൊരുങ്ങുന്നത്.
70 വയസ്സു പ്രായമുള്ള ലുപ് അമേരിക്കയിലേക്ക് കുടിയേറി സാധാരണ ജോലിക്കാരിയായും, പട്ടാള സേവനമനുഷ്ഠിച്ചു, ഷെറിഫായും പ്രവര്‍ത്തിച്ചിരുന്നു. ടെക്‌സസ്സിലെ ആദ്യ ‘ഓപ്പന്‍ലി ഗെ’ ഷെറിഫ് എന്ന ബഹുമതിയും ഇവര്‍ക്ക് ലഭിച്ചിട്ടുണ്ട്.
ലുപിനൊപ്പം ഡമോക്രാറ്റിക്ക് സ്ഥാനാര്‍ത്ഥിത്വത്തിനുവേണ്ടി രംഗത്തുള്ള ശക്തനായ എതിരാളി സാന്‍ അന്റോണിയൊ മുന്‍ മേയറും, പ്രസിഡന്റ് ബരാക്ക് ഒബാമയുടെ ഹൗസിങ്ങ് സെക്രട്ടറിയുമായിരുന്ന ഊലിയൊ കാസ്‌ട്രൊയാണ്. ടെക്‌സസ്സ് ഡെമോക്രാറ്റുകള്‍ക്ക് മുന്‍തൂക്കം നല്‍കുന്ന സ്ഥാനാര്‍ത്ഥി ലുപാണെന്നാണ് ഭൂരിപക്ഷത്തിന്റേയും അഭിപ്രായം.
