Home / കേരളം / ക്രിസോസ്റ്റം വലിയ മെത്രാപൊലീത്തക്ക് പത്മഭൂഷണ്‍

ക്രിസോസ്റ്റം വലിയ മെത്രാപൊലീത്തക്ക് പത്മഭൂഷണ്‍

ന്യൂഡൽഹി: പത്മ പുരസ്‌കാരങ്ങള്‍ പ്രഖ്യാപിച്ചു. ഭാരതീയ വിചാര കേന്ദ്രം അധ്യക്ഷന്‍ പി. പരമേശ്വരരൻ, സംഗീത പ്രതിഭകളായ ഇളയരാജ, ഗുലാം മുസ്​തഫ ഖാൻ, എന്നിവർക്ക് പത്മവിഭൂഷണ്‍ പുരസ്‌കാരം. സംഘപരിവാർ പ്രസ്ഥാനങ്ങളുടെ ബൗദ്ധിക മുഖവും രാഷ്‌ട്രീയ സ്വയം സേവക സംഘത്തിന്‍റെ മുതിർന്ന പ്രചാരകനാണ് പി. പരമേശ്വരൻ.

വലിയ മെ​ത്രാപ്പൊലീത്ത ഫിലിപ്പോസ്​ മാർ ക്രിസോസ്​റ്റം, ക്രിക്കറ്റ്​ താരം മഹേന്ദ്രസിങ്​ ​ധോണി, ബില്യാർഡ്​സ്​ താരം പങ്കജ്​ അദ്വാനി എന്നിവരടക്കം 12 പേർക്ക്​ പത്​മഭൂഷൺ. റിപ്പബ്ലിക്​ ദിനം പ്രമാണിച്ച്​ രാഷ്​ട്രപതി 85 പത്​മ​ശ്രീ പുരസ്​ക്കാരങ്ങളും പ്രഖ്യാപിച്ചു. കേരളത്തിൽ ലക്ഷ്​മിക്കുട്ടിയമ്മ (നാട്ടുചികിത്​സ), എം.ആർ. രാജഗോപാൽ (സാന്ത്വന ചികിത്​സ) എന്നിവർക്ക്​ പത്​മശ്രീ ലഭിച്ചു. ടെന്നിസ്​ താരം സോംദേവ്​ ദേവ്​വർമൻ, ബാഡ്​മിൻറൺ താരം കെ. ശ്രീകാന്ത്​, സാമൂഹിക പ്രവർത്തനം മുൻനിർത്തി സുധാംശു ബിശ്വാസ്​, നാടോടി സംഗീതജ്​ഞ വിജയലക്ഷ്​മി നവനീതകൃഷ്​ണൻ, കർണാടത്തിൽ നിന്ന്​ സംഗീത പ്രതിഭ ഇബ്രാഹിം സുതർ, തമിഴ്​നാട്ടിൽ പ്ലാസ്​റ്റിക്​ റോഡ്​ നിർമാണത്തിലൂടെ ശ്രദ്ധേയനായ രാജഗോപാലൻ വാസുദേവൻ, സൗദിയിൽ യോഗ പരിശീലകയായ നൗഫ്​ മർവായിയും എന്നിവർ പത്​മശ്രീ ലഭിച്ചവരിൽ ഉൾപ്പെടുന്നു.

പാലിയം ഇന്ത്യ എന്ന സംഘടനയിലൂടെ കാന്‍സര്‍ രോഗികള്‍ക്ക് വേണ്ടി പ്രവർത്തിക്കുന്ന ഡോ. എം ആര്‍ രാജഗോപാല്‍ 23 വർഷമായി സാന്ത്വന ചികിത്സാ രംഗത്ത് പ്രവർത്തിക്കുന്നു. തിരുവനന്തപുരം സ്വദേശിയാണ്.

Check Also

ഗൺവൈലൻസ് നിയമങ്ങൾ പരിഷ്കരിക്കുവാൻ ഫൊക്കാനാ കോൺഗ്രസ് മാൻമാർക്ക് നിവേദനം നൽകും:ജോർജി വർഗീസ്

ഫ്ലോറിഡ :അമേരിക്കയിലെ ഗൺവൈലൻസ് നിയമങ്ങൾ പരിഷ്കരിക്കുവാൻ കോൺഗ്രസ് മാൻമാർക്ക് നിവേദനം നൽകുമെന്ന് ഫൊക്കാന ട്രസ്റ്റി ബോർഡ് ചെയർമാൻ ജോർജി വർഗീസ് …

Leave a Reply

Your email address will not be published. Required fields are marked *