Home / ഗൾഫ് ന്യൂസ് / ഫുട്‌ബോള്‍ പരിശീലകനായിരുന്ന ടൈറ്റാനിയം തിലകനെ ബഹ്‌റൈനില്‍ കാണാനില്ലെന്ന് പരാതി

ഫുട്‌ബോള്‍ പരിശീലകനായിരുന്ന ടൈറ്റാനിയം തിലകനെ ബഹ്‌റൈനില്‍ കാണാനില്ലെന്ന് പരാതി

മനാമ: ബഹ്‌റൈനില്‍ ഫുട്‌ബോള്‍ കോച്ചായി ജോലി ചെയ്തിരുന്ന കണ്ണൂര്‍ സ്വദേശിയെ കാണാനില്ലെന്ന് പരാതി. കണ്ണൂര്‍ പയ്യാമ്പലം സ്വദേശിയായ ഒ.കെ തിലകനെ(60)യാണ് കഴിഞ്ഞ ഒരാഴ്ചയായി കാണാനില്ലെന്ന് സഹപ്രവര്‍ത്തകര്‍ ബഹ്‌റൈന്‍ പൊലിസില്‍ പരാതി നല്‍കിയത്.

ഹൂറയില്‍ ഇന്ത്യന്‍ ടാലന്റ് അക്കാദമിയില്‍ ഫുട്‌ബോള്‍ കോച്ചായി ജോലി ചെയ്തിരുന്ന തിലകന്‍ കേരളത്തിലെ പ്രമുഖ ടീമായിരുന്ന ടൈറ്റാനിയത്തിന്റെ കളിക്കാരന്‍ കൂടിയായിരുന്നു. അതുകൊണ്ടു തന്നെ ടൈറ്റാനിയം തിലകന്‍ എന്നാണ് ഇദ്ദേഹം ഇവിടെ അറിയപ്പെട്ടിരുന്നത്. ബഹ്‌റൈനില്‍ നിരവധി വിദ്യാര്‍ഥികള്‍ക്ക് ഫുട്‌ബോള്‍ പരിശീലനം നടത്തിവരികയായിരുന്നു.

നാട്ടില്‍ ഭാര്യയും രണ്ടുമക്കളുമടങ്ങുന്നതാണ് തിലകന്റെ കുടുംബം. ഇദ്ദേഹത്തിന്റെ ഫോണ്‍ ഇപ്പോള്‍ സ്വിച്ച് ഓഫ് ചെയ്ത നിലയിലാണ്. ഈ മാസം നാലിനു ശേഷം വീട്ടുകാരുമായോ സുഹൃത്തുക്കളുമായോ ഒരു ബന്ധവുമുണ്ടായിട്ടില്ലെന്നും ഫോണ്‍ ഓഫ് ചെയ്ത നിലയിലാണെന്നും ബന്ധപ്പെട്ടവര്‍ സുപ്രഭാതത്തോട് പറഞ്ഞു.

അദ്ദേഹത്തെ കുറിച്ച് എന്തെങ്കിലും വിവരം ലഭിക്കുന്നവര്‍ 0097333338916 (അഡ്വ.ലതീഷ് ഭരതന്‍) എന്ന നമ്പറിലോ തൊട്ടടുത്ത പോലിസ് സ്റ്റേഷനിലോ അറിയിക്കണമെന്ന് ബന്ധപ്പെട്ടവര്‍ അറിയിച്ചു.

Check Also

റീട്ടെയിൽ മേഖലയിൽ വമ്പൻ പദ്ധതികളുമായി ഷാർജ

സുസ്ഥിരമായ വികസന സങ്കൽപ്പങ്ങൾക്ക് ആക്കം കൂട്ടുന്ന പുതിയ പദ്ധതികളുമായി ഷാർജ. ഷാർജ ഇൻവെസ്റ്റ്മെന്റ് ആൻഡ് ഡെവലപ്മെന്റ് അതോറിറ്റിയുടെ (ശുറൂഖ്‌) നേതൃത്വത്തിൽ, …

Leave a Reply

Your email address will not be published. Required fields are marked *