Home / Uncategorized / മംഗള്‍യാന് 15 ദിവസത്തെ ‘ബ്ലാക്കൗട്ട്’

മംഗള്‍യാന് 15 ദിവസത്തെ ‘ബ്ലാക്കൗട്ട്’

ബെംഗലൂരു: ഇന്ത്യയുടെ ചൊവ്വാ ദൗത്യ ഉപഗ്രഹമായ മംഗള്‍യാനില്‍ നിന്ന് അടുത്ത 15 ദിവസത്തേക്ക് വിവരങ്ങളൊന്നും ലഭിക്കില്ല.

നാളെ മുതല്‍ ചൊവ്വായ്ക്കും ഭൂമിയ്ക്കുമിടയില്‍ സൂര്യന്‍ വരുന്നതിനാല്‍ മംഗള്‍യാനും ബെംഗലൂരുവിലെ കേന്ദ്രവും തമ്മിലുള്ള ബന്ധം നഷ്ടപ്പെടുന്നതിനാലാണിത്.

ജൂണ്‍ 22-നാകും പിന്നീട് മംഗള്‍യാനുമായുള്ള ബന്ധം പുന:സ്ഥാപിക്കാനാവുക.

ഏറ്റവും ചിലവ് കുറഞ്ഞ ചൊവ്വാ ദൗത്യമെന്ന നിലയില്‍ ഏറെ ശ്രദ്ധ പിടിച്ചുപറ്റിയ ദൗത്യമാണ് ഇന്ത്യയുടെ മംഗള്‍യാന്‍.

വിക്ഷേപണത്തിന് ശേഷം ആദ്യമായാണ് ഉപഗ്രഹവുമായുള്ള ബന്ധം ഇത്ര നീണ്ട കാലത്തേക്ക് നഷ്ടമാകുന്നത്.

എന്നാല്‍ ബ്ലാക്കൗട്ടില്‍ ആശങ്കപ്പെടാനില്ലെന്നും ഈ കാലയളവില്‍ ഉപഗ്രഹം ‘ഓട്ടോണോമസ്’ മോഡില്‍ സ്വയം നിയന്ത്രിക്കുമെന്നും ഐഎസ്ആര്‍ഒ അറിയിച്ചു.

Check Also

ചാംപ്യന്‍സ് ട്രോഫി- ഇന്ത്യയുടെ 15 അംഗ ടീമിനെ തിരഞ്ഞെടുത്തു

ഐ.സി.സി ചാംപ്യന്‍സ് ട്രോഫി ഏകദിന പോരാട്ടത്തിനുള്ള ഇന്ത്യന്‍ ടീമിനെ പ്രഖ്യാപിച്ചു. അത്ഭുതങ്ങളൊന്നും സംഭവിച്ചില്ല. ഓപണര്‍ സ്ഥാനത്തേക്ക് ഇടവേളയ്ക്ക് ശേഷം രോഹിത് …

Leave a Reply

Your email address will not be published. Required fields are marked *