ഹാരിസ്ബർഗ്: പെൻസിൽവാനിയയിൽ അഞ്ചാംപനി (Measles) ബാധിതരുടെ എണ്ണം 890 ആയി ഉയർന്നു. പുതുതായി 55 പേർക്ക് കൂടി രോഗം സ്ഥിരീകരിച്ചതായി സംസ്ഥാന ആരോഗ്യ വകുപ്പ് അറിയിച്ചു.
ഇതുവരെ 39 കൗണ്ടികളിലായി 890 പേർക്കാണ് രോഗം ബാധിച്ചത്.173 പേരെ ആശുപത്രിയിൽ പ്രവേശിപ്പിച്ചു; 4 മരണം റിപ്പോർട്ട് ചെയ്തു.ആകെ കേസുകളിൽ 1 ശതമാനത്തിൽ താഴെ ആളുകൾ മാത്രമാണ് എം.എം.ആർ (MMR) വാക്സിൻ പൂർണ്ണമായി എടുത്തവർ.
ലാൻകാസ്റ്റർ കൗണ്ടിയിലാണ് ഏറ്റവും കൂടുതൽ രോഗബാധ റിപ്പോർട്ട് ചെയ്തിരിക്കുന്നത് (359 പേർ).
രോഗവ്യാപനം തടയുന്നതിന്റെ ഭാഗമായി ആരോഗ്യ വകുപ്പ് വ്യാപകമായി വാക്സിനേഷൻ ക്യാമ്പുകൾ നടത്തിവരുന്നുണ്ട്. ലക്ഷണങ്ങൾ ഉള്ളവർ ഉടൻ തന്നെ ആരോഗ്യ പ്രവർത്തകരെ ബന്ധപ്പെടണമെന്ന് അധികൃതർ നിർദ്ദേശം നൽകി.
പി പി ചെറിയാൻ
