കോഴിക്കോട് നാദാപുരം പാറക്കടവ് സ്വേദേശിയായ യുവാവിനെ രണ്ടു ദിവസമായി കാണാനില്ലെന്നു പരാതി. സൂപ്പർമാർക്കറ്റ് ജീവനക്കാരൻ കുറുവന്തേരി ആത്തോട്ടക്കണ്ടി വീട്ടിൽ അബ്ദുൽ മുത്തലിബി(26)നെയാണ് തിങ്കളാഴ്ച മുതൽ കാണാതായത്.
സൂപ്പർ മാർക്കറ്റിൽ നിന്ന് ഉച്ച ഭക്ഷണം കഴിക്കാൻ പോയതായിരുന്നു. ഫൈസലിനെ കാണാനില്ലെന്ന് കാണിച്ച് സ്ഥാപനത്തിന്റെ സ്പോൺസർ പൊലീസിൽ പരാതി നൽകി. റസിഡന്റ് പെർമിറ്റ് കാർഡും മൊബൈൽ ഫോണുമെല്ലാം താമസിക്കുന്ന മുറിയിൽവച്ച നിലയിലാണ്. ഭക്ഷണം കഴിക്കാൻ പോയി പതിവു സമയം കഴിഞ്ഞും കാണാത്തതിനെത്തുടർന്ന് അന്വേഷിച്ചപ്പോഴാണ് മുറിയിൽ ഇല്ലെന്നു മനസിലായത്.
തുടർന്ന് പലയിടങ്ങളിലായി അന്വേഷിച്ചെങ്കിലും വിവരമൊന്നും ലഭിച്ചില്ല. ജോലിയിൽ നന്നായി ശ്രദ്ധിച്ചിരുന്ന മുത്തലിബിന് ഇവിടെ അധികം സുഹൃത്തുക്കളോ ബന്ധുക്കളോ ഇല്ലെന്നും ഫോൺ ഉപയോഗിക്കുക അപൂർവമായിരുന്നുവെന്നും സഹപ്രവർത്തകർ പറഞ്ഞു. മുത്തലിബിനെക്കുറിച്ച് വിവരം ലഭിക്കുകയാണെങ്കിൽ 55325132/44680677 നമ്പരിൽ വിളിക്കുക.