ബോസ്റ്റണ്‍: സംഘടനാ രംഗത്ത് ദീര്‍ഘകാലമായി പ്രവര്‍ത്തിക്കുന്ന ബിജു തൂമ്പില്‍ ഫൊക്കാന ന്യു ഇംഗ്ലണ്ട് റീജിയന്‍ ഒന്ന് ആര്‍.വി.പി ആയും ജോസഫ് കുന്നേല്‍ നാഷണല്‍ കമ്മിറ്റി അംഗമായും മത്സരിക്കുന്നു.

ജോസഫ് കുന്നേല്‍ നിലവില്‍ കേരള അസോസിയേഷന്‍ ഓഫ് ന്യു ഇംഗ്ലണ്ട് പ്രസിഡന്റാണ്. അസോസിയേഷന്റെ ആര്‍ട്ട്‌സ് ക്ലബ് സെക്രട്ടറിയായും പ്രവര്‍ത്തിക്കുകയുണ്ടായി.
ഏറ്റുമാനൂര്‍ സ്വദേശിയായ ബിജു തൂമ്പില്‍ കേരള അസോസിയേഷന്‍ ഓഫ് ന്യു ഇംഗ്ലണ്ട് മുന്‍ പ്രസിഡന്റാണ്. വൈസ് പ്രസിഡന്റ്, സെക്രട്ടറി എന്നീ നിലകൈളിലും പ്രവര്‍ത്തിച്ചിരുന്നു. 2006ല്‍ കേരള സമാജം ഓഫ് ന്യു ഇംഗ്ലണ്ട് ട്രസ്റ്റിയായും പ്രവര്‍ത്തിച്ചു. ബര്‍ലിംഗ്ടണ്‍ മലയാളി അസോസിയേഷന്‍ കോര്‍ഡിനേറ്ററുമായിരുന്നു.

ഇരുവരുടെയും സ്ഥാനാര്‍ഥിത്വത്തെ ഫൊക്കാന പ്രസിഡന്റ് സ്ഥാനാര്‍ഥി ലീല മാരേട്ട് സ്വാഗതം ചെയ്തു. കാര്യപ്രാപ്തി തെളിയിച്ചിട്ടുള്ള യുവതലമുറയുടെ പ്രതിന്ധികളാണു ഇരുവരും. ഫൊക്കാനയുടെ ഭാവി പ്രവര്‍ത്തനങ്ങള്‍ക്കും വളര്‍ച്ചക്കും ഇരുവരും വഴിതെളിക്കുമെന്നു ലീല മാരേട്ട് ചൂണ്ടിക്കാട്ടി.

ഫൊക്കാനയില്‍ ദീര്‍ഘകാലത്തെ പ്രവര്‍ത്തന പരിചയമുള്ള ലീല മാരേട്ടിനെ പിന്തുണക്കുന്നതില്‍ സന്തോഷമുണ്ടെന്നു ഇരുവരും പറഞ്ഞു.

LEAVE A REPLY

Please enter your comment!
Please enter your name here