ഭദ്രാസന അധ്യക്ഷന് സഖറിയ മാര് നിക്കോളോവോസ് മെത്രാപ്പോലീത്ത സ്നേഹപൂര്വ്വം ചെക്ക് ഏറ്റുവാങ്ങി. നിറഞ്ഞ കൈയടികളോടെ സദസ്യരും അതേറ്റുവാങ്ങി. ആഹ്ലാദാരവത്തിന്റെ നിമിഷങ്ങളില് സമര്പ്പണത്തിന്റെയും സഹനത്തിന്റെയും വിജയമായിരുന്നു ഇത്. ഊണും ഉറക്കവുമില്ലാതെ നടത്തിയ പരിപാടിയുടെ വിജയതിലകമായി മാറി ഈ നേട്ടം. കഴിഞ്ഞവര്ഷവും ഒരു ലക്ഷം ഡോളര് കൈമാറിയിരുന്നു. റാഫിള് ടിക്കറ്റ് വിതരണത്തിലൂടെ രണ്ടു ലക്ഷം ഡോളറും സുവനിയര് പരസ്യങ്ങളിലൂടെ 28,000 ഡോളറും ഇത്തവണ നേടാനായി.