പാറ്റ്ന: വ്യാഴാഴ്ച യു.പിയിലും ബീഹാറിലുമുണ്ടായ കനത്ത ഇടിമിന്നലിെല മരണസംഖ്യ ഉയരുന്നു. ഇരുസംസ്ഥാനങ്ങളിലുമായി 116പേർ മരിച്ചതായാണ് വെള്ളിയാഴ്ച പുറത്തുവന്ന കണക്കുകൾ പറയുന്നത്.
ബീഹാർ സർക്കാർ പുറത്തുവിട്ട പുതിയ കണക്കുപ്രകാരം സംസ്ഥാനത്തെ മരണസംഖ്യ 92 ആയി. വിവിധ ജില്ലകളിലെ കണക്കുകൾ ഉദ്ധരിച്ച് പാറ്റ്ന ഡിസാസ്റ്റർ മാനേജ്മെൻറ് കമ്മിറ്റിയാണ് പുതിയ മരണസംഖ്യ പുറത്തുവിട്ടത്.
വ്യാഴാഴ്ച 85 ആയിരുന്നു മരണം കണക്കാക്കിയിരുന്നത്. അയൽ സംസ്ഥാനമായ യു.പിയിൽ 24 പേർ മരിച്ചതായാണ് സൂചന. 12 പേർക്ക് പരിക്കേറ്റിമുണ്ട്. ഇരു സംസ്ഥാനങ്ങളിലുമായി 116പേർ മരിച്ചതായാണ് നിലവിലെ വിവരം. ബീഹാറിലെ ഗോപാൽ ഗഞ്ച് ജില്ലയിലാണ് ഏറ്റവുംകൂടുതൽ മരണം സംഭവിച്ചത്, 13പേർ.
മിന്നലിൽ വീടുകൾക്കും വൈദ്യുതോപകരണങ്ങൾക്കും വ്യാപകമായി നാശം സംഭവിച്ചിട്ടുണ്ട്.
