അഞ്ച് വർഷത്തെ ഇടവേളയ്ക്കു ശേഷം സനൂഷ വീണ്ടും മലയാളത്തിലെത്തുന്നു. നടി തന്നെയാണ് ഒരു ചാനൽ പരിപാടിയിൽ ഇക്കാര്യം വെളിപ്പെടുത്തിയത്. സിനിമാ ചിത്രീകരണത്തിന്റെ ഭാഗമായി ഏപ്രിലിൽ സനൂഷ കാശ്മീരിലായിരുന്നു. സിനിമയുടെ കൂടുതൽ വിവരങ്ങൾ അണിയറപ്രവർത്തകർ തന്നെ ഔദ്യോഗികമായി വെളിപ്പെടുത്തുമെന്നും നടി അറിയിച്ചു. 2016ൽ റിലീസായ ഒരു മുറൈ വന്ത് പാർത്തായാ എന്ന സിനിമയാണ് സനൂഷ ഒടുവിലഭിനയിച്ച മലയാള ചിത്രം. ശേഷം കന്നഡയിലും തമിഴിലും തെലുങ്കിലും അഭിനയിച്ചിട്ടുണ്ട്. ബാലതാരമായി സിനിമയിലെത്തി ശേഷം മലയാളത്തിലെ മുൻനിര നായികമാരിൽ ഒരാളായി മാറിയ താരമാണ് സനുഷ. കാഴ്ച, സൗമ്യം തുടങ്ങിയ സിനിമകളിലൂടെ മികച്ച ബാലതാരത്തിനുള്ള സംസ്ഥാന ചലച്ചിത്ര പുരസ്കാരവും സക്കറിയയുടെ ഗർഭിണികൾ എന്ന ചിത്രത്തിലെ പ്രകടനത്തിന് മികച്ച സഹനടിക്കുള്ള പ്രത്യേക പരാമർശവും ഫിലിം ഫെയർ പുരസ്കാരവും സൈമ പുരസ്കാരവും സനുഷ നേടിയിട്ടുണ്ട്.
Home ന്യൂസ് പുതിയ വാർത്തകൾ ഇടവേളയ്ക്കു ശേഷം സനൂഷ വീണ്ടും മലയാളത്തിലെത്തുന്നു