ഇളയ തളപതി വിജയ് നായകനാകുന്ന പുതിയ ചിത്രത്തിെൻറ പേരും ഫസ്റ്റ്ലുക്ക് പോസ്റ്ററും പുറത്തുവിട്ടു. കൊലമാവ് കോകില എന്ന ചിത്രത്തിന് ശേഷം നെൽസൺ സംവിധാനം ചെയ്യുന്ന ചിത്രത്തിന് ‘ബീസ്റ്റ്’ എന്നാണ് പേര് നൽകിയിരിക്കുന്നത്. വിജയ്യുടെ 65-ാമത് ചിത്രമായ ബീസ്റ്റിെൻറ കിടിലൻ ഫസ്റ്റ്ലുക്ക് സോഷ്യൽ മീഡിയയിൽ തരംഗമാവുകയാണ്.
പോസ്റ്ററിൽ വിജയ് ഷോട്ട് ഗണ്ണുമേന്തി മാസ്ലുക്കിലാണ് കാണപ്പെട്ടത്. നാളെ 47-ാം ജന്മദിനം ആഘോഷിക്കുന്ന വിജയ്ക്ക് പിറന്നാൾ സമ്മാനമായാണ് നിർമാതാക്കളായ സൺ പിക്ചേഴ്സ് പോസ്റ്റർ പുറത്തുവിട്ടത്. ബിഗ്ബജറ്റ് ആക്ഷൻ ചിത്രത്തിെൻറ സംഗീത സംവിധാനം നിർവഹിക്കുന്നത് അനിരുദ്ധാണ്. വിദേശത്തും തമിഴ്നാട്ടിലുമായി ചിത്രീകരിക്കുന്ന ‘ബീസ്റ്റിൽ’ പൂജ ഹെഗ്ഡേയാണ് നായികയാവുന്നത്.
