മമ്മൂട്ടിയെ നായകനാക്കി യുവ ഛായാഗ്രാഹകൻ റോബി വർഗീസ് രാജ് ആദ്യമായി സംവിധാനം ചെയ്യുന്ന ചിത്രത്തിന് കണ്ണൂർ സ്ക്വാഡ് എന്നു പേരിട്ടു.മമ്മൂട്ടി വീണ്ടും പൊലീസ് ഉദ്യോഗസ്ഥനായി എത്തുന്ന ചിത്രത്തിന്റെ ചിത്രീകരണം കൊച്ചിയിൽ പുരോഗമിക്കുന്നു. വിജയരാഘവൻ, റോണി ഡേവിഡ് ,ശബരീഷ് വർമ്മ, അസീസ് നെടുമങ്ങാട്, ദീപക് പറമ്പോൽ തുടങ്ങിയവരാണ് മറ്റ് താരങ്ങൾ.നൻപകൽ നേരത്ത് മയക്കം, റോഷാക്ക്, കാതൽ എന്നീ ചിത്രങ്ങൾക്ക് ശേഷം മമ്മൂട്ടി കമ്പനി നിർമിക്കുന്ന ചിത്രമാണ്.
റോബിയുടെ മൂത്ത സഹോദരനും നടനുമായ റോണി ഡേവിഡ് തിരക്കഥാപങ്കാളിയാണ്.കഥ മുഹമ്മദ് ഷാഫി. റോണിയും മുഹമ്മദ് ഷാഫിയും ചേർന്നാണ് രചന. മുഹമ്മദ് റാഹിൽ ഛായാഗ്രഹണം നിർവഹിക്കുന്ന ചിത്രത്തിന്റെ സംഗീതം സുഷിൻ ശ്യാമും എഡിറ്റർ പ്രവീൺ പ്രഭാകറുമാണ്.എക്സിക്യൂട്ടീവ് പ്രൊഡ്യൂസർ എസ്. ജോർജ്. വിതരണം വേഫറെർ ഫിലിംസ് .,പി ആർ ഒ : പ്രതീഷ് ശേഖർ.
