ന്യൂയോർക്ക് :- ലോങ്ങ ഐലൻഡ് കേന്ദ്രമായി കഴിഞ്ഞ മുപ്പത്തിഅഞ്ചിൽ പരം വര്ഷങ്ങളായി പ്രവർത്തിച്ചു വരുന്ന ന്യൂയോർക്കില ആദ്യ കാല മലയാളി സംഘടനകളിൽ ഒന്നായ ഇന്ത്യൻ അമേരിക്കൻ മലയാളി അസോസിയേഷൻ ഓഫ് ലോങ്ങ് ഐലൻഡ് , വടക്കേ അമേരിക്കയിലെ മലയികളുടെ ഏറ്റവും വലിയ സംഘടനയായ ഫോമ യുടെ 2022- 24 കാല ഘട്ടത്തിലേക്കുള്ള ഭരണ സമിതിയിലേക്ക് ജോയിന്റ് സെക്രട്ടറി സ്ഥാനത്തേക്ക് ബിജു ചാക്കോയെ ഐക്യകണ്ഠേന നോമിനേറ്റ് ചെയ്തു.
ഫോമായുടെ അഭ്യുദയ കാംഷിയും , നിലവിൽ മെട്രോ റീജിയൻ സെക്രെട്ടറിയും , ഫോമാ ഹെൽപ്പിംഗ് ഹാൻഡ് പദ്ധതിയുടെ രൂപകർത്താവും , അമരക്കാരനുമായി പ്രവർത്തിക്കുന്ന ബിജു സാമൂഹിക സാംസ്കാരിക, ആത്മീയ മേഖലകളിൽ ഒരു നിറ സാന്നിധ്യമാണ് .
അസോസിയേഷൻ കമ്മിറ്റി മെമ്പർ, ജോയിന്റ് സെക്രട്ടറി, മാർത്തോമ്മാ സഭാ പ്രതിനിധി മണ്ഡലം മെംബർ , നോർത്ത് അമേരിക്കൻ ഭദ്രാസന അസംബ്ലി മെമ്പർ , ഇടവക സെക്രട്ടറി, ട്രസ്റ്റീ , ഇൻഡോ അമേരിക്കൻ പ്രസ്സ് ക്ലബ് സെക്രട്ടറി എന്നീ നിലകളിലും , ന്യൂ യോർക്കിൽ സാമൂഹിക സേവന രംഗത്തു പ്രവർത്തിക്കുന്ന എക്കോ എന്ന സംഘടനയുടെ ഓപ്പറേഷൻ ഡയറക്ടർ കൂടിയാണ് . എക്കോയുടെ പ്രവർത്തനങ്ങളിലൂടെ മൂന്നുകോടി രൂപ സമാഹരിച്ചു കഴിഞ്ഞ വെള്ളപ്പൊക്ക കെടുതിയിൽ ഭവനങ്ങൾ നഷ്ട്ടപ്പെട്ട മുപ്പത്തിരണ്ട് കുടുംബങ്ങൾക്ക് കോട്ടയം ജില്ലയിൽ കുമരകത്തു ഭവനങ്ങൾ നിർമ്മിച്ചു നൽകി .
അതോടൊപ്പം നേപ്പാളിലുണ്ടായ ഭൂമികുലുക്കത്തിൽ ആ ഗ്രാമത്തിൽ ഒരു പ്രൈമറി ഹെൽത് സെന്റർ സ്ഥാപിച്ചു നൽകിയതും ബിജുവിന്റെ നേതിര്ത്തുത്തിലാണ് . അമേരിക്കൻ പൊളിറ്റിക്സിൽ യുവാക്കളെ മൂഖ്യ ധാരയിൽ കൊണ്ടുവരുന്നതിന് ബിജുവിന്റെ പങ്കാളിത്തം വളരെ വലുതാണ് , അതിന് ഉത്തമ ഉദാഹരണമാണ് അമേരിക്കൻ രാഷ്ട്രീയത്തിൽ സെനറ്റർ ആയി തിരഞ്ഞെടുക്കപ്പെട്ട ആദ്യ മലയാളി കെവിൻ തോമസിന്റെ വിജയം. ഒരു സ്പോർട്സ് പ്രേമി കൂടിയായ ബിജു ന്യയോർക്ക് സ്പോർട്സ് ക്ലബ്ബിലെ സജീവ അംഗംകൂടിയാണ് .
ഫോമയുടെ ജോയിന്റ് സെക്രട്ടറി സ്ഥാനത്തേക്ക് കടന്നുവരാൻ താൽപ്പര്യം കാണിച്ചത് ഫോമ എന്ന സംഘടനയുടെ മുമ്പോട്ടുള്ള പ്രയാണത്തിന് ഒരു മുതൽകൂട്ട് ആയിരിക്കുമെന്ന് അസോസിയേഷൻ ഭാരവാഹികളായ മാത്യു തോമസ്, തോമസ് എം ജോർജ് , സുനിൽ കുഴമ്പാല ,ബെഞ്ചമിൻ ജോർജ് , ബേബി കുര്യാക്കോസ് , ജോർജ് തോമസ് , സാബു ലൂക്കോസ് , ജോജി കുര്യാക്കോസ് , ജോൺ മാത്യു , ഉഷാ ജോർജ് എന്നിവർ അഭിപ്രായപ്പെട്ടു . ബിജു ലോങ്ങ് ഐലൻഡിൽ മെഡിക്കൽ രംഗത്തു പ്രവർത്തിക്കുന്നു . സായു ചാക്കോ സഹധർമ്മിണിയും നെഫിയ , ജെയ്സി എന്നീ രണ്ടു മക്കളുമടങ്ങുന്നതാണ് കുടുംബം .