സോയ മസാല കട്ലറ്റ്
ചേരുവകൾ
സോയാചങ്ങ്സ് -100
ഉരുളക്കിഴങ്ങ് - 200
സവാള അരിഞ്ഞത് - 1 ടേബിൾസ്പൂൺ
ഇഞ്ചി അരിഞ്ഞത് - ടേബിൾസ്പൂൺ
പച്ചമുളക് അരിഞ്ഞത് - 1 ടേബിൾസ്പൂൺ
കറിവേപ്പില - 1 തണ്ട്
മല്ലിയില - 1 തണ്ട്
മഞ്ഞൾപ്പൊടി - 1/4 ടേബിൾസ്പൂൺ
മുളകുപൊടി - 1 ടീസ്പൂൺ
ഗരം മസാലപ്പൊടി - 1 ടീസ്പൂൺ
പെരുംജീരകപ്പൊടി - 1 ടീസ്പൂൺ
കുരുമുളകുപൊടി - 1/2 ടീസ്പൂൺ
ഉപ്പ് - ആവശ്യത്തിന്
വെളിച്ചെണ്ണ - 3 ടേബിൾ സ്പൂൺ
എണ്ണ - വറുക്കാൻ ആവശ്യത്തിന്
റൊട്ടിപ്പൊടി - 1 കപ്പ്
മുട്ട - 2 എണ്ണം
തയ്യാറാക്കുന്ന വിധം
സോയചങ്ങ്സ് വെള്ളത്തിൽ കുതിർത്ത് പിഴിഞ്ഞ് മിക്സിയിൽ ഇട്ട് നന്നായി പൊടിച്ചെടുക്കുക. ഉരുളക്കിഴങ്ങ് വേവിച്ച് തൊലികളഞ്ഞ് നന്നായി ഉടയ്ക്കുക. ഒരു ഫ്രൈയിംഗ് പാനിൽ വെളിച്ചെണ്ണ ചൂടാക്കി കറിവേപ്പിലയും ഇഞ്ചിയും വഴറ്റുക. പച്ചമുളകും സവാളയുമിട്ട് നന്നായി മൂക്കുന്നതുവരെ വഴറ്റുക. ഇതിലേക്ക് മഞ്ഞൾപ്പൊടി, മുളകുപൊടി, ഗരം മസാലപ്പൊടി എന്നിവയിട്ട് കുറച്ച് വെള്ളമൊഴിച്ച് വേവിക്കുക.
അതിലേക്ക് ഉടച്ചുവച്ച കിഴങ്ങും സോയയും ഇട്ട് നന്നായി ഉലർത്തുക. പെരുംജീരകപ്പൊടിയും ഉപ്പുമിട്ട്, മല്ലിയിലയിട്ട് ഇളക്കി വാങ്ങുക. തണുത്ത ശേഷം ചെയറി ഉരുളപിടിച്ച് കട്ലെറ്റ് രൂപത്തിലാക്കി മുട്ട അടിച്ചതിൽമുക്കി, റൊട്ടിപ്പൊടിയിൽ തട്ടിപ്പൊത്തിയെടുത്ത് ചൂടുള്ള എണ്ണയിൽ വറുത്തുകോരുക.