ജിനേഷ് തമ്പി
പ്രൊജക്റ്റ് സെല്ഫ് USA യും , പ്രൊജക്റ്റ് സെല്ഫ് ഭാരത് ഉം , സംയുക്തമായി ആഗോളതലത്തിൽ സംഘടിപ്പിച്ച യുണൈറ്റഡ് consciousness കോൺക്ലേവ് എന്ന പ്രോഗ്രാമിൽ ട്രൈസ്റ്റേറ്റ് മേഖലയിലെ പ്രശസ്ത ഗായകനും, സാധക സ്കൂൾ ഓഫ് മ്യൂസിക്കിന്റെ സ്ഥാപകനുമായ ശ്രീ കെ ഐ അലക്സാണ്ടർ ആലപിച്ച രണ്ടു ഗാനങ്ങൾ ഏറെ ജനശ്രദ്ധ നേടുകയുണ്ടായി .
ഇതിഹാസഗായകൻ പദ്മവിഭൂഷൺ ഡോ കെ ജെ യേശുദാസ് അനശ്വരമാക്കിയ മധ്യമാവതി രാഗത്തിലുള്ള “ഹരിവരാസനം” എന്ന അയ്യപ്പന്റെ സുപ്രസിദ്ധ ഉറക്കുപാട്ടും, അനശ്വരഗായകൻ ശ്രീ എസ് പി ബാലസുബ്രഹ്മണ്യൻ പാടി പ്രസിദ്ധമാക്കിയ മോഹന രാഗത്തിലുള്ള “പ്രഭും പ്രാണനാഥം” എന്ന് തുടങ്ങുന്ന ശിവാഷ്ടകമാണ് ശ്രീ കെ ഐ അലക്സാണ്ടർ ആലപിച്ചത്
ഭക്തജനങ്ങളുടെ മനസ്സിൽ അതീവഭക്തിരസം നിറക്കുന്ന ഈ രണ്ടു ഗാനങ്ങളും , പാട്ടിന്റെ തനിമ തെല്ലും നഷ്ട്ടപെടാതെയാണ് ഭാവപൂർണ്ണമായി ശ്രീ കെ ഐ അലക്സാണ്ടർ പ്രോഗ്രാമിൽ അവതരിപ്പിച്ചത് .
ലോകത്തിന്റെ നാനാഭാഗങ്ങളിൽ നിന്നുള്ള ആളുകളെ ഭാഷയുടെയും, സംസ്കാരത്തിന്റെയും അതിർവരമ്പുകൾ ഭേദിച്ചു കൊണ്ട് സ്പർശിച്ച ഈ ഗാനങ്ങളെ കൂടുതൽ ഭക്തരിലേക്കും, സംഗീതാസ്വാദകരിലേക്കും എത്തിക്കുന്നതിന്റെ ഭാഗമായി ഈ പാട്ടുകളുടെ ലിറിക്കൽ വീഡിയോയുടെ പ്രകാശനകർമം ആരാധ്യരായ ശ്രീ ആചാര്യ വിവേകും, ഡോ വിക്രാന്ത് സിങ്ങും ജനുവരി പതിനാലിന് മകരസംക്രാന്തി ദിനത്തിൽ EST 8 : 30 pm നും 9 : 00 pm നും ഇടയിൽ ( IST ജനുവരി പതിനഞ്ചു 7 : 00 am നും 7 : 30 am ഉം ഇടയിൽ ) നിർവഹിക്കുന്നതായിരിക്കും
സൂം ലോഗിൻ ഉൾപ്പെടെ ഉൾപ്പെടെ കൂടുതൽ വിവരങ്ങൾ ഫ്ലയറിൽ ലഭ്യമാണ്