മുംബൈ: കോവിഡിന്റെ ഒമിക്രോൺ വകഭേദം മഹാരാഷ്ട്രയിലും സ്ഥിരീകരിച്ചു. ദക്ഷിണാഫ്രിക്കയിൽ നിന്നെത്തിയയാൾക്കാണ് രോഗം ബാധിച്ചത്. കല്യാൺ-ഡോംബിവിലി സ്വദേശിക്കാണ് രോഗം ബാധിച്ചതെന്ന് ആരോഗ്യവകുപ്പ് അറിയിച്ചു. മഹാരാഷ്ട്രയിൽ ഇതാദ്യമായാണ് ഒമിക്രോൺ വകഭേദം ഒരാൾക്ക് സ്ഥിരീകരിക്കുന്നത്. രാജ്യത്ത് ഇതുവരെ നാല് പേർക്ക് ഒമിക്രോൺ വകഭേദം സ്ഥിരീകരിച്ചിട്ടുണ്ട്.
ഗുജറാത്തിലെ ജാംനഗറിൽ ദക്ഷിണാഫ്രിക്കയിൽ നിന്ന് മടങ്ങിയെത്തിയയാൾക്ക് ഒമിക്രോൺ സ്ഥിരീകരിച്ചിരുന്നു. ജാംനഗർ സ്വദേശിയായ 72കാരനാണ് രോഗം. സിംബാബ്വെയിൽനിന്ന് അടുത്തിടെയാണ് ഇയാൾ ഇന്ത്യയിലെത്തിയത്. കഴിഞ്ഞദിവസം നടത്തിയ പരിശോധനയിൽ കോവിഡ് സ്ഥിരീകരിച്ചിരുന്നു. തുടർന്ന് നടത്തിയ വിദഗ്ധ പരിശോധനയിൽ ഒമിക്രോൺ വകഭേദമാണെന്ന് സ്ഥിരീകരിക്കുകയായിരുന്നു.
നിലവിൽ ജി.ജി ആശുപത്രിയിൽ ചികിത്സയിലാണ് 72കാരൻ. കഴിഞ്ഞ ആഴ്ചയിൽ മൂന്നുപേരാണ് ജാംനഗറിൽ സിംബാവ്വെയിൽ നിന്ന് മടങ്ങിയെത്തിയത്. മറ്റു രണ്ടുേപരുടെ പരിശോധന ഫലം പുറത്തുവന്നിട്ടില്ല. രാജ്യത്ത് സ്ഥിരീകരിക്കുന്ന മൂന്നാമത്തെ ഒമിക്രോൺ കേസാണിത്. കർണാടകയിൽ രണ്ടുപേർക്ക് കഴിഞ്ഞദിവസം രോഗബാധ സ്ഥിരീകരിച്ചിരുന്നു.