കെ റെയിലും,  കുറേ ‘കുത്തിത്തിരിപ്പന്മാരായ’ മാധ്യമ പ്രവർത്തകരും

മാധ്യമങ്ങളും, പ്രതിപക്ഷവും എതിർത്താലും കെ റെയിൽ പദ്ധതി നടപ്പാക്കുകതന്നെ ചെയ്യുമെന്നാണ് മുഖ്യമന്ത്രിയുടെ പ്രഖ്യാപനം. ഇരട്ടിതുക നൽകിയാണെങ്കിലും സ്ഥലം ഏറ്റെടുക്കും, പദ്ധതി നടപ്പാക്കാൻ തീരുമാനിച്ചാൽ അത് നടപ്പാക്കുകതന്നെ ചെയ്യുമെന്ന് അർത്ഥശങ്കയ്ക്കിടയില്ലാതെ മുഖ്യമന്ത്രി പ്രഖ്യാപിച്ചിരിക്കയാണ്. പദ്ധതി നടപ്പാക്കാൻ ഈ ഭരണകാലത്ത് കഴിഞ്ഞില്ലെങ്കിലും അടുത്ത തുടർ ഭരണത്തിലെങ്കിലും പൂർത്തിയാക്കാമെന്ന വ്യാമോഹത്തിലാണ് കറ കളഞ്ഞ കമ്മ്യൂണിസ്റ്റുകാരനായ പിണറായി വിജയൻ.

എന്തായാലും സമരവുമായി കെ റെയിൽ വിരുദ്ധസമിതിയും കോൺഗ്രസും ബി ജെ പിയും മുന്നോട്ടുതന്നെയാണ്.  സാമൂഹ്യാഘാത പഠനം നിശ്ചയിച്ച സമയത്ത് തീർക്കാനാവില്ലെന്ന് പഠനം നടത്തുന്നവർ വ്യക്തമാക്കിയിരിക്കയിട്ടുണ്ട്. എറണാകുളം, ആലപ്പുഴ, പത്തനംതിട്ട ജില്ലയിൽ പഠനം തല്ക്കാലം നിർത്തിവച്ചു. ജനരോഷം എല്ലാവിടങ്ങളിലും ശക്തമായി തുടരുന്നതാണ് തിരിച്ചടിയാവുന്നത്.


വി ഡി സതീശൻ -ഐ എൻ ടി യു സി പോര് ആർക്കുവേണ്ടി ?


കേരളത്തിലെ കോൺഗ്രസ് വീണ്ടും പ്രതിസന്ധിയിലാണ്. സംഘടനാ തെരഞ്ഞെടുപ്പുമായി ഉണ്ടായ അഭിപ്രായഭിന്നത കഴിഞ്ഞ 10 മാസമായിട്ടും പരിഹരിക്കാനാവാതെ മുന്നോട്ട് പോവുകയാണ്. പ്രതിപക്ഷനേതാവ് വി ഡി സതീശനും കെ പി സി സി അധ്യക്ഷൻ കെ സുധാകരനും ഒരുമിച്ച് നീങ്ങുമെന്നും, കേരളത്തിലെ കോൺഗ്രസിനെ തകർച്ചയിൽ നിന്നും രക്ഷിക്കാൻ ഇവർ ഒറ്റക്കെട്ടായി, ഒറ്റമനസോടെ മുന്നേറുമെന്നും കരുതിയവർക്ക് തെറ്റി. രമേശ് ചെന്നിത്തലയെയും ഉമ്മൻ ചാണ്ടിയെയും അനുനയിപ്പിക്കാൻ ഇവർ ഒരുമിച്ചു നിന്നെങ്കിലും സംഘടനാ തെരഞ്ഞെടുപ്പിലേക്ക് നീങ്ങിയതോടെ കാര്യങ്ങൾ വീണ്ടും പഴയപടിയായി. ഗ്രൂപ്പില്ലെന്ന് പറഞ്ഞവർ പുതിയ ഗ്രൂപ്പുണ്ടാക്കാനുള്ള നെട്ടോട്ടത്തിലായി.

ഐ എൻ ടി യു സി -കോൺഗ്രസിന്റെ പോഷക സംഘടനയാണോ, അതോ സ്വതന്ത്ര സംഘടനാണോ എന്ന തർക്കമാണ് ഇപ്പോഴത്തെ പുതിയ വിവാദം. വി ഡി സതീശൻ പറയുന്നു, ഐ എൻ ടി യു സി പോഷക സംഘടനയല്ലെന്നും, അത് സ്വതന്ത്ര സംഘടനയാണെന്നാണ്. ഇതോടെ വി ഡി സതീശനെതിരെ വലിയ പ്രതിഷേധമാണ് ഉണ്ടായത്. ചങ്ങനാശേരിയിൽ വി ഡി സതീശനെതിരെ പരസ്യ പ്രകടനം ഉണ്ടായി. കോൺഗ്രസിൽ രണ്ട് പക്ഷമാണീവിഷയത്തിൽ ഉണ്ടായിരിക്കുന്നത്.
കോൺഗ്രസ് ദുർബലമായ സമയത്ത് വിവാദങ്ങളുണ്ടാക്കി പാർട്ടിയെ നശിപ്പിക്കാനുള്ള ശ്രമം തടയുമെന്നാണ് തിരുവഞ്ചൂർ രാധാകൃഷ്ണൻ പറയുന്നത്.

മധുരയിൽ പറഞ്ഞത് അങ്ങിനെയല്ലെന്നാണ്, ബേബി സാറിന്റെ വെളിപ്പെടുത്തൽ. തമിഴ് നാട്ടിലായതിനാൽ തമിഴന്മാരെ ആവേശം കൊള്ളിക്കാനുള്ള സഖാവ് യെച്ചൂരിയുടെ ഒരു പൊടികൈ മാത്രമാണ സ്റ്റാലിൻ സ്തുതിയെന്നുമാണ് ബേബിസാറിന്റെ വെളിപ്പെടുത്തൽ. ഏറ്റവും വലിയ ഏകാധിപതിയായിരുന്ന ഇന്ദിരാഗാന്ധിയെ  ഭരണത്തിൽ നി്ന്നും പുറത്താക്കിയ ചരിത്രം ഇന്ത്യയിൽ ഉണ്ടെന്നും, ബി ജെ പി ഇതര പാർട്ടികളെ ഏകോപിപ്പിക്കുന്നതിൽ വലിയ പങ്ക് വഹിക്കാൻ തമിഴ്‌നാട് മുഖ്യമന്ത്രിക്ക് പറ്റുമെന്നും അതിനായി സ്റ്റാലിൻ നയപരിപാടികൾ സ്വീകരിക്കണമെന്നുമാണ് സി പി എം ജന. സെക്രട്ടറി സീതാറാം യച്ചൂരി പറഞ്ഞതെന്നുമാണ് ബേബി സഖാവ് വ്യക്തമാക്കുന്നത്. പരിപാടി തമിഴ് നാട്ടിലായതിനാലാണ് യെച്ചൂരി സ്റ്റാലിനെ പ്രകീർത്തിച്ചത്. 

പാർട്ടി അന്വേഷണവും ആക്രമണങ്ങളും ആരോപണങ്ങളും ആ കവിഹൃയത്തെ തകിടം മറിച്ചു. സ്വന്തം രാജ്യത്ത് ആയുധം നഷ്ടപ്പെട്ട ഭരണാധികാരിയെപ്പോലെ ജി സുധാകരൻ നിൽക്കുന്ന കാഴ്ചയാണ് പിന്നീട് ആലപ്പുഴയിലെ പാർട്ടിക്കാർ കണ്ടത്. നിലം പരിശാക്കിയതോടെ ശത്രുക്കൾ അട്ടഹാസം മുഴക്കുന്നത് കവിയുടെ നെഞ്ച് പൊള്ളി. ഇതോടെ ഉഗ്രശപഥമെടുത്തിരിക്കയാണ്, കവി. ഇല്ല, ഞാൻ ഇനി ഒന്നിനുമില്ല. 

വി എസ് പാർട്ടിസമ്മേളനത്തിൽ നിന്നും ഇറങ്ങിപ്പോയപ്പോൾ ശക്തമായ നിലപാടുമായി പിണറായിക്കൊപ്പം നിന്ന അതേ സുധാകരനാണ് പിണറായിയുടെ തട്ടകത്തിൽ കോടിയേരിയുടേ കൂടി തട്ടകത്തിൽ നടക്കുന്ന പാർട്ടി കോൺഗ്രസിന് പങ്കെടുക്കാനില്ലെന്ന് പ്രഖ്യാപിച്ചത്. പകരക്കാനരെ തീരുമാനിച്ചുവെന്നാണ് കോടിയേരി പറഞ്ഞത്. “ഏതു വിപ്ലവകാരി പകരം ആ കസേരയിലിരിക്കാൻ …. ” എന്ന പേരിൽ ഒരു കവിത എഴുതാനുള്ള സാധ്യതയും തളളികളയാനാവില്ല. എന്തായാലനും വി എസുമില്ല, ജി എസുമില്ല ഈ പാർട്ടി കോൺഗ്രസിൽ എന്നു രത്‌നചുരുക്കം.

ഇടതുപക്ഷമാണ് ശരിയുടെ പക്ഷമെന്ന് തിരിച്ചറിഞ്ഞതാണ് ജോസ് മോന്റെ ഏറ്റവും വലിയ തിരിച്ചറിവ്. ഇപ്പോഴിതാ എൽ ഡി എഫിന്റെ മദ്യനയത്തിൽ ചെറിയൊരു വിയോജിപ്പുണ്ടത്രേ, ജോസ് മോന്… കെ സി ബി സി യുടെ എതിർപ്പുകൾക്ക് പിന്നാലെയാണ് ജോസ് മോന്റെ പ്രതികരണം ഉണ്ടായതെന്നും ശ്രദ്ധേയം.

ങേ, അതെന്താണ് ഇപ്പോ അങ്ങിനെയൊരു വിയോജിപ്പെന്നൊന്നും ചോദിക്കരുത്. സഭാ നേതൃത്വവും ബിഷപ്പുമാരും ഇടത് മുന്നണിയുടെ മദ്യനയത്തിനെതിരെ പ്രതികരണവുമായി രംഗത്തെത്തിയതോടെ  മദ്യനയത്തിൽ എന്തോ കുഴപ്പമുണ്ടെന്ന് അദ്ദേഹം തിരിച്ചറിഞ്ഞു. സഭയെയും ബിഷപ്പുമാരെയും ബോധ്യപ്പെടുത്താനെങ്കിലും പ്രതികരിച്ചല്ലേ പറ്റൂ എന്നാണ് ജോസ് മോന്റെ നിലപാട്.
എന്തായാലും ഐ ടി പാർക്കിൽ മദ്യം ലഭ്യമാക്കാനുള്ള തീരുമാനം സർക്കാർ എടുത്തുകഴിഞ്ഞു. വീര്യം കുറഞ്ഞ മദ്യം ഉൽപ്പാദിപ്പിക്കാനും, കൂടുതൽ മദ്യ ഔട്ട് ലെറ്റുകളും തുടങ്ങാനാണ് സർക്കാർ തീരുമാനം.


നടൻ ദിലീപും, നടി അക്രമണ കേസും


നടിയെ തട്ടിക്കൊണ്ടുപോയി അപകീർത്തികരമായ ദൃശ്യങ്ങൾ പകർത്തിയ കേസിന്റെ അന്വേഷവും കോടതി നടപടികളും അഞ്ചു വർഷമായി നടക്കുകയാണ്. ഇതിനിടയിലാണ് അന്വേഷണ ഉദ്യോഗസ്ഥരെ വധിക്കാൻ ദിലീപ് ഗൂഢാലോചന നടത്തിയതെന്ന വെളിപ്പെടുത്തലുണ്ടാവുന്നത്. എല്ലാം അവസാനിച്ചുവെന്ന് കരുതിയിടത്തുനിന്നാണ് കേസിൽ വലിയ ട്വിസ്റ്റുണ്ടാവുന്നത്.

എന്തായാലും കേസന്വേണം മുന്നോട്ട് പോവുകയാണ്. നിയമ പോരാട്ടങ്ങളും ശക്തമാണ്. തെളിവുകളും സാഹചര്യ തെളിവുകളും നിരത്തി ദിലീപിനെ പ്രതിരോധത്തിലാക്കിയിരിക്കയാണ് ക്രൈംബ്രാഞ്ച്. കേരളം ഏറെ ആകാംഷയോടെയാണ് ഈ കേസ് നോക്കുകാണുന്നത്.


വാൽകഷണം :