ഫോമാ പ്രവർത്തന ഉദ്‌ഘാടനം വൻവിജയം – ആവേശത്തോടെ പ്രവർത്തകർ

 

പരിപാടിയുടെ ഉദ്ഘാടകനായി സംസാരിച്ച  ഇന്ത്യൻ കോൺസുലേറ്റ് ജനറൽ ഓഫ് ഷിക്കാഗോ സോമനാഥ് ഘോഷ് അമേരിക്കൻ ഇന്ത്യൻ  ജനത ഭാരതത്തിനു നൽകുന്ന സാമൂഹികവും സംസ്കാരികവുമായ സംഭാവനകളെക്കുറിച്ചും അതിലുപരി ആവശ്യസന്ദര്ഭങ്ങളിൽ മുന്നോട്ടു വന്നു നല്‌കുന്ന സാമ്പത്തിക സഹായങ്ങളെക്കുറിച്ചും ഓർമിച്ചു, ഒന്നിച്ചു  പ്രവർത്തിക്കേണ്ട ആവശ്യകതയെക്കുറിച്ചും അമേരിക്കയിലുള്ള ഇന്ത്യക്കാരുടെ ഏതു കാര്യങ്ങൾക്കും ഇന്ത്യയും തങ്ങളുടെ കോൺസുലേറ്റും ഇപ്പോഴും മുന്പിലുണ്ടാവുമെന്നും  അദ്ദേഹം അറിയിച്ചു, ശേഷം സംസാരിച്ച ജനറൽ സെക്രട്ടറി ഓജസ് ജോൺ ഈ പ്രവർത്തന ഉദ്ഘാടനം നടത്തുവാൻ മുന്നോട്ടു വന്ന ചിക്കാഗോ സെൻട്രൽ റീജിയനെയും നേതാക്കളെയും അനുമോദിച്ചു കൊണ്ട് തുടർന്ന പ്രസംഗത്തിൽ വരുന്ന രണ്ടു വർഷം കൊണ്ട്  നടത്തുവാൻ ആഗ്രഹിക്കുന്ന പ്രൊജെക്ടുകളെക്കുറിച്ചു സംസാരിച്ചു, ട്രഷറർ ബിജു തോണിക്കടവിൽ കഴിഞ്ഞ കാലങ്ങളിൽ മുൻഗാമികൾ നടത്തിയ പ്രവർത്തനങ്ങളെക്കുറിച്ചും വരുന്ന രണ്ടു വർഷം സംഘടനയുടെ പ്രൊജെക്ടുകളെ മുന്നോട്ടു സുഗമമായി കൊണ്ടുപോകുവാൻ എല്ലാവരുടെയും സഹായവും അഭ്യർഥിച്ചു, വൈസ് പ്രസിഡന്റ് സണ്ണി വള്ളിക്കളം ഇന്ന് ഫോമയുടെ നേതൃത്വത്ത്തിൽ നടത്തപ്പെടുന്ന അനേകം പ്രവർത്തനങ്ങൾ സഭയെ ഓർമിപ്പിച്ചു, കൂടുതൽ ഊർജസ്വലതയോടെ സംഘടനയെ മുന്നോട്ടു നയിക്കുവാൻ എല്ലാവരുടെയും സഹകരണമുണ്ടാവണമെന്ന് അഭ്യർഥിച്ചു, വനിതകളടക്കമുള്ള പ്രവർത്തകർ മുന്നിട്ടിറങ്ങി അതാതു റീജിയനുകളുടെ പ്രവർത്തനങ്ങളിൽ പങ്കാളികളാവണമെന്ന് ജെയ്‌മോൾ ശ്രീധർ  ചിട്ടയായ പ്രവർത്തനങ്ങളിലൂടെ മാത്രമേ സംഘടനയുടെ ഉന്നമനം സാധ്യമാവുകയുള്ളുവെന്ന് അഭിപ്രായപ്പെട്ടു,

ജീവകാരുണ്യപ്രവർത്തനങ്ങൾക്കു കൂടുതൽ ഫണ്ട് കണ്ടെത്തേണ്ടിയിരിക്കുന്നുവെന്നും കൂടുതൽ സ്പോൺസർമാരെ  ആവശ്യമുണ്ടെന്നും എന്നാൽ  മാത്രമേ കൂടുതൽ പ്രവർത്തനങ്ങളിലേക്ക് ഫോമയ്‌ക്കു കടക്കുവാനാകു എന്നും ജെയിംസ് ജോർജ് അഭിപ്രായപ്പെട്ടു,