നിക്സൻ ജോർജ്ജ് കുവൈറ്റ്
കുവൈറ്റ് സിറ്റി: ദേശീയ-വിമോചന ദിനാഘോഷങ്ങൾക്ക് ഒരുങ്ങി കുവൈറ്റ് . കോവിഡ് നിയന്ത്രണങ്ങൾക്ക് ശേഷം ആദ്യമായാണ് വിപുലമായ രീതിയില് ദേശീയ ദിനാഘോഷങ്ങള് സംഘടിപ്പിക്കുന്നത്. കുവൈറ്റ് മുനിസിപ്പാലിറ്റിയുടെ നേതൃത്വത്തിൽ രാജ്യത്താകമാനം വിവിധ ആഘോഷങ്ങൾക്ക് വരുംദിനങ്ങൾ സാക്ഷിയാകും.ആഘോഷത്തിന്റെ ഭാഗമായി ഫ്ലാഗ് ആൻഡ് ഡെക്കറേഷൻ കൺട്രോൾ വിഭാഗത്തിന്റെ നേതൃത്വത്തിൽ ബയാൻ പാലസ്, ഔദ്യോഗിക കെട്ടിടങ്ങള്, എയർപോർട്ട്, പ്രധാന റോഡുകള് തുടങ്ങിയവ അലങ്കരിക്കും .
ഫെബ്രുവരി ഒന്നിന് കുവൈറ്റ് സിറ്റിയിലെ ഫ്ലാഗ് സ്ക്വയറിൽ പതാക ഉയർത്തിയാണ് ആഘോഷ പരിപാടികള്ക്ക് തുടക്കം കുറിക്കുകയെന്ന് മുനിസിപ്പാലിറ്റി അധികൃതര് അറിയിച്ചു.ഒരുമാസമായി നടക്കുന്ന ആഘോഷത്തിൽ രാജ്യത്തെ ടൂറിസം, ഷോപ്പിങ് മേഖലക്ക് ഉണർവേകുന്ന നിരവധി പരിപാടികളുണ്ടാവും. ഗൾഫ് മേഖലയിലെ ശ്രദ്ധേയമായ വ്യാപാരോത്സവമായ ‘ഹലാ ഫെബ്രുവരി’ ഫെസ്റ്റിവലിനും രാജ്യം സാക്ഷിയാകും.ആഘോഷഭാഗമായി രാജ്യത്തിന്റെ തെരുവുകൾ ദേശീയ പതാകയും തോരണങ്ങളും വർണവെളിച്ചങ്ങളുംകൊണ്ട് വൈകാതെ മനോഹരമാകും