ദുബൈ: ഇന്ത്യ, പാകിസ്താൻ, ബംഗ്ലാദേശ്, ശ്രീലങ്ക എന്നിവിടങ്ങളിൽ നിന്നുള്ളവരുടെ യാത്രാവിലക്ക് നീണ്ടേക്കാം എന്ന സൂചന നൽകി ഇത്തിഹാദ് എയർവേസ്. യാത്രക്കാരുടെ ചോദ്യങ്ങൾക്കുള്ള മറുപടിയായി ട്വിറ്ററിലാണ് ഇക്കാര്യം അറിയിച്ചത്.
ആഗസ്റ്റ് ഏഴ് വരെ ഇൗ രാജ്യങ്ങളിൽ നിന്നുള്ള വിമാനങ്ങൾ ഉണ്ടാവില്ല. എന്നാൽ, സാഹചര്യങ്ങൾക്കനുസരിച്ച്, സർക്കാർ തീരുമാനം മാനിച്ച് തീയതി നീട്ടിയേക്കാം എന്നും മറുപടിയിൽ പറയുന്നു. ആഗസ്റ്റ് ഏഴ് വരെ സർവീസ് ഉണ്ടാകില്ലെന്ന് എമിറേറ്റ്സും അറിയിച്ചിരുന്നു.