ദുബൈ: യു.എ.ഇയിൽ മൂന്ന് മുതൽ 17 വരെ വയസുള്ള കുട്ടികൾക്ക് സിനോഫാം വാക്സിൻ നൽകാൻ ആരോഗ്യ, രോഗപ്രതിരോധ മന്ത്രാലയം അനുമതി നൽകി. രണ്ട് മാസമായി നടന്ന പരീക്ഷണങ്ങൾക്കും നിരീക്ഷണങ്ങൾക്കും ശേഷമാണ് അനുമതി നൽകിയിരിക്കുന്നത്.
ജൂണിലാണ് കുട്ടികൾക്ക് നൽകുന്നതിനെ കുറിച്ച് പഠനം തുടങ്ങിയത്. 900ഒാളം കുട്ടികൾ ഇതിൽ പങ്കാളികളായി. രക്ഷിതാക്കളുടെ സമ്മതത്തോടെയായിരുന്നു കുട്ടികളിൽ പഠനം നടത്തിയത്. വാക്സിൻ നൽകിയ ശേഷം കുട്ടികളെ നിരീക്ഷിച്ച് വരുകയായിരുന്നു. ഇത് വിജയകരമാണെന്ന് കണ്ടെത്തിയതോടെയാണ് വാക്സിെൻറ അടിയന്തര ഉപയോഗത്തിന് മന്ത്രാലയം അനുമതി നൽകിയത്.
കുട്ടികൾക്ക് വാക്സിൻ നൽകുന്നതിനെകുറിച്ച് പഠനം നടത്തിയ മിഡിൽ ഇൗസ്റ്റ്^ േനാർത്ത് ആഫ്രിക്ക മേഖലയിലെ ആദ്യ രാജ്യമാണ് യു.എ.ഇ. യു.എസ്, യു.കെ, ഇന്ത്യ, ചൈന എന്നീ രാജ്യങ്ങളും സമാന പഠനം നടത്തുന്നുണ്ട്.
