തൃശൂർ: കൃഷി വകുപ്പ് മന്ത്രി വി.എസ്. സുനിൽ കുമാറിന് വീണ്ടും കൊവിഡ് സ്ഥിരീകരിച്ചു. മന്ത്രിയെ തൃശൂർ മെഡിക്കൽ കോളേജ് ആശുപത്രിയിൽ പ്രവേശിപ്പിച്ചു. മകൻ നിരഞ്ജൻ കൃഷ്ണയ്ക്കും രോഗം സ്ഥിരീകരിച്ചിട്ടുണ്ട്. ഇന്ന് വൈകിട്ടാണ് ഇരുവർക്കും കൊവിഡ് സ്ഥിരീകരിച്ചത്.നിലവിൽ ഇരുവർക്കും ആരോഗ്യ പ്രശ്നങ്ങളൊന്നുമില്ല. സുനിൽകുമാറിന് കഴിഞ്ഞ സെപ്തംബറിൽ ആദ്യം കൊവിഡ് സ്ഥിരീകരിച്ചിരുന്നു. തുടർന്ന് തിരുവനന്തപുരം മെഡിക്കൽ കോളേജിൽ ചികിത്സ തേടുകയും രോഗമുക്തനാവുകയും ചെയ്തിരുന്നു.