കോഴിക്കോട്: മുതിര്ന്ന സിപിഎം നേതാവും മുന് മന്ത്രിയുമായ ടി. ശിവദാസമേനോന്റെ സംസ്കാരം ഔദ്യോഗിക ബഹുമതികളോടെ മഞ്ചേരിയിലെ വീട്ടുവളപ്പില് നടത്തി. മുഖ്യമന്ത്രി പിണറായി വിജയൻ, സ്പീക്കര് എം.ബി. രാജേഷ് തുടങ്ങിയവർ വീട്ടിലെത്തി അന്തിമോപചാരം അര്പ്പിച്ചു.
അന്തിമോപചാരമര്പ്പിക്കാന് രാഷ്ട്രീയ, സാമൂഹ്യ, സാംസ്കാരിക മേഖലകളില്നിന്നിനു നിരവധി പേരാണ് എത്തിയത്. എല്ഡിഎഫ് കണ്വീനര് ഇ.പി. ജയരാജന്, സിപിഎം നേതാക്കളായ എളമരം കരീം എംപി, പാലോളി മുഹമ്മദ് കുട്ടി, പി.കെ. ശ്രീമതി, പി.ജയരാജൻ, മുസ്ലിം ലീഗ് നേതാവ് പി.വി. അബ്ദുൾ വഹാബ് തുടങ്ങിയവര് അന്തിമോപചാരമര്പ്പിച്ചു.
വാർധക്യ സഹജമായ അസുഖങ്ങളെത്തുടർന്നു കോഴിക്കോട് മിംസ് ആശുപത്രിയില് ചൊവ്വാഴ്ച രാവിലെ 11.30 ഓടെയായിരുന്ന അദ്ദേഹത്തിന്റെ അന്ത്യം.