രാമൻകുളങ്ങരയിൽ ആളൊഴിഞ്ഞ പറമ്പിൽ തോക്ക് ഉൾപ്പടെയുള്ള ആയുധങ്ങളും മദ്യവും കോഴിയും ഉപയോഗിച്ച് മന്ത്രവാദം. ഇത് ശ്രദ്ധയിൽപ്പെട്ട നാട്ടുകാർ സ്ഥലമുടമയേയും പൂജാരിയേയും പിടികൂടി പൊലീസിൽ ഏൽപ്പിച്ചു.
ഇന്നലെ അർദ്ധരാത്രിയിലാണ് പൂജ നടക്കുന്നത് നാട്ടുകാരുടെ ശ്രദ്ധയിൽപ്പെട്ടത്. ഒഴിഞ്ഞ പറമ്പിൽ നിന്ന് തീയും പുകയും കണ്ട് പരിഭ്രമിച്ച നാട്ടുകാർ ചെന്ന് നോക്കിയപ്പോഴാണ് പൂജ നടത്തുന്നതായി മനസിലാക്കിയത്. മുളകും, മല്ലിയുമാണ് പൂജാദ്രവ്യങ്ങളായി ഹോമിച്ചിരുന്നത്. ബലി നൽകാൻ കോഴിയും കരുതിയിരുന്നു. ഹോമകുണ്ഡത്തിന് സമീപത്ത് എയർ ഗണ്ണും കത്തി, വാൾ, കോടാലി വെട്ടരിവാൾ, ഉൾപ്പടെ പത്തിലേറെ ആയുധങ്ങളും മദ്യവും ഉണ്ടായിരുന്നു.
