മാ​വേ​ലി​ക്ക​ര: പു​ന്ന​മൂ​ട്ടി​ൽ ആ​റു വ​യ​സു​കാ​രി​യെ പി​താ​വ് മ​ഴു​കൊ​ണ്ടു വെ​ട്ടി​ക്കൊ​ല​പ്പെ​ടു​ത്തിയ സം​ഭ​വം ആ​സൂ​ത്രി​ത​മെ​ന്ന് പോ​ലീ​സ് നി​ഗ​മ​നം. കൊ​ല​യ്ക്കാ​യി പ്ര​ത്യേ​കം മ​ഴു ത​യാ​റാ​ക്കി​യ​താ​യി പോ​ലീ​സ് ക​ണ്ടെ​ത്തി.

മാ​വേ​ലി​ക്ക​ര പു​ന്ന​മൂ​ട് ആ​ന​ക്കൂ​ട്ടി​ൽ ന​ക്ഷ​ത്ര (6) ആ​ണ് കൊ​ല്ല​പ്പെ​ട്ട​ത്. സം​ഭ​വ​വു​മാ​യി ബ​ന്ധ​പ്പെ​ട്ട് ന​ക്ഷ​ത്ര​യു​ടെ പി​താ​വ് മ​ഹേ​ഷി​നെ (38) പോ​ലീ​സ് ക​സ്റ്റ​ഡി​യി​ൽ എ​ടു​ത്ത​ത്. മ​ഹേ​ഷ് നാ​ളു​ക​ളാ​യി പ്ര​ത്യേ​ക മാ​ന​സി​ക അ​വ​സ്ഥ​യി​ലാ​യി​രു​ന്നു​വെ​ന്നും വ​നി​താ കോ​ണ്‍​സ്റ്റ​ബി​ളു​മാ​യു​ള്ള പു​ന​ര്‍​വി​വാ​ഹം മു​ട​ങ്ങി​യ​തി​ല്‍ ക​ടു​ത്ത നി​രാ​ശ​യി​ലാ​യി​രു​ന്നു​വെ​ന്നും പോ​ലീ​സ് പ​റ​യു​ന്നു.

ബു​ധ​നാ​ഴ്ച രാ​ത്രി​യാ​ണ് മ​ഹേ​ഷ് മ​ക​ളെ കൊ​ല​പ്പെ​ടു​ത്തി​യ​ത്. തൊ​ട്ട​ടു​ത്തു മ​ഹേ​ഷി​ന്‍റെ സ​ഹോ​ദ​രി​യു​ടെ വീ​ട്ടി​ൽ താ​മ​സി​ക്കു​ന്ന മ​ഹേ​ഷി​ന്‍റെ അ​മ്മ സു​ന​ന്ദ (62) ബ​ഹ​ളം കേ​ട്ട് ഓ​ടി​ച്ചെ​ല്ലു​മ്പോ​ൾ വീ​ടി​ന്‍റെ സി​റ്റൗ​ട്ടി​ൽ സോ​ഫ​യി​ൽ വെ​ട്ടേ​റ്റു കി​ട​ക്കു​ന്ന ന​ക്ഷ​ത്ര​യെ​യാ​ണ് ക​ണ്ട​ത്. 

ബ​ഹ​ളം വ​ച്ചു​കൊ​ണ്ടു പു​റ​ത്തേ​ക്കോ​ടി​യ സു​ന​ന്ദ​യെ പി​ന്തു​ട​ർ​ന്ന മ​ഹേ​ഷ് സു​ന​ന്ദ​യെ​യും ആ​ക്ര​മി​ച്ചു. സു​ന​ന്ദ​യു​ടെ കൈ​ക്കു വെ​ട്ടേ​റ്റു. ബ​ഹ​ളം കേ​ട്ട് ഓ​ടി​യെ​ത്തി​യ സ​മീ​പ​വാ​സി​ക​ളെ ഇ​യാ​ൾ മ​ഴു​കാ​ട്ടി ഭീ​ഷ​ണി​പ്പെ​ടു​ത്തു​ക​യും ആ​ക്ര​മി​ക്കാ​ൻ ശ്ര​മി​ക്കു​ക​യും ചെ​യ്തു. തു​ട​ർ​ന്ന് പോ​ലീ​സ് എ​ത്തി ഇ​യാ​ളെ കീ​ഴ്പ്പെ​ടു​ത്തി ക​സ്റ്റ​ഡി​യി​ൽ എ​ടു​ക്കു​ക​യാ​യി​രു​ന്നു. ന​ക്ഷ​ത്ര​യു​ടെ അ​മ്മ വി​ദ്യ മൂ​ന്നു വ​ർ​ഷം മു​ന്പ് ജീ​വ​നൊ​ടു​ക്കി​യി​രു​ന്നു.

വി​ദേ​ശ​ത്താ​യി​രു​ന്ന മ​ഹേ​ഷ്, പി​താ​വ് മു​കു​ന്ദ​ൻ ട്രെ​യി​ൻ ത​ട്ടി മ​രി​ച്ച ശേ​ഷ​മാ​ണ് നാ​ട്ടി​ലെ​ത്തി​യ​ത്. പു​ന​ർ​വി​വാ​ഹ​ത്തി​നാ​യി ശ്ര​മി​ച്ചി​രു​ന്ന മ​ഹേ​ഷി​ന്‍റെ വി​വാ​ഹം ഒ​രു വ​നി​താ കോ​ൺ​സ്റ്റ​ബി​ളു​മാ​യി ഉ​റ​പ്പി​ച്ചി​രു​ന്നു.​എ​ന്നാ​ൽ, അ​ടു​ത്തി​ടെ മ​ഹേ​ഷി​ന്‍റെ സ്വ​ഭാ​വ​ത്തി​ലെ പോ​രാ​യ്മ​ക​ൾ അ​റി​ഞ്ഞ വീ​ട്ടു​കാ​ർ വി​വാ​ഹ​ത്തി​ൽ​നി​ന്നു പി​ന്മാ​റു​ക​യാ​യി​രു​ന്നു.

LEAVE A REPLY

Please enter your comment!
Please enter your name here