വാഷിങ്ങ്ടൺ ഡി .സി : അമേരിക്കൻ മലയാളി സംഘടനകളുടെ സംഘടനയായ ഫൊക്കാനയുടെ നാല്പതാം വാർഷികം അരങ്ങേറിയപ്പോൾ ഏറ്റവും വലിയ ഓണാഘോഷം സംഘടിപ്പിച്ചുകൊണ്ടു ഫൊക്കാന പുതിയ ചരിത്രമായി “ഫൊക്കാന പൊന്നോണം” . ഫൊക്കാനയുടെ ഓണാഘോഷം സദ്യകൊണ്ട് നാവിനും കലാമേളകൊണ്ട് മനസിനും വിരുന്നായി. ജനപങ്കാളിത്തംകൊണ്ടും സംഘടനാ തലത്തിലെ ഐക്യംകൊണ്ടും ശ്രദ്ധേയമായ ഓണാഘോഷം ഫൊക്കാനയുടെ സംഘടനാ ഐക്യത്തിന്റെ വേദിയായി മാറി .
മേരിലാൻഡ് വാൾട്ട് വിറ്റ്മാൻ ഹൈ സ്കൂൾ ഓഡിറ്റോറിയത്തിൽ ഓണസദ്യയോടെ ആഘോഷങ്ങള്‍ ആരംഭിച്ചു. മാവേലിയായി അപ്പുകുട്ടൻ നായർ വേഷമിട്ടു . താലപ്പൊലിയും മുത്തുക്കുടകളുമായി മാവേലിയെ എതിരേറ്റ ഘോഷയാത്രയ്ക്ക് തകര്‍പ്പന്‍ ചെണ്ടമേളമാണ് ഒരുങ്ങിയത്. സ്ത്രീകളുടെ ശിങ്കാരിമേളം ശ്രദ്ധേയമായി ചെണ്ടയുടെ മേളകൊഴുപ്പുകളോട് ആർപ്പുവിളികളും , താലപ്പൊലിയേന്തിയ യുവതികളുടെ അകമ്പടിയോട് സ്കൂളിന്റെ പാതിഭാഗം വലംവെച്ച് ഘോഷയാത്ര ഹാളിനുള്ളില്‍ പ്രവേശിച്ചതോടെ ഉദ്ഘാടന സമ്മേളനമായി.ഓണാശംസകളുമായി പൂക്കളവും വിവിധ കലാരൂപങ്ങളും ഏവരേയും വരവേറ്റു.
ഫൊക്കാന സെക്രട്ടറി ഡോ. കലാ ഷഹി സ്വാഗത പ്രസംഗത്തിൽ ഫൊക്കയുടെ നാളിതുവരെയുള്ള പ്രവർത്തനങ്ങൾ വിവരിച്ചു. സെക്രട്ടറി കലാ ഷാഹി മുൻകൈ എടുത്താണ് ഓണാഘോഷം സംഘടിപ്പിച്ചത് കലാപരിപാടികൾക്കും സെക്രട്ടറി തന്നെയാണ് നേതൃത്വം നൽകിയത് .പതിവിലും വിപരീതമായി ഭാരവാഹികളുടെ നീണ്ട പ്രസംഗങ്ങളും മറ്റുള്ളവരുടെ ആശംസകള്‍ ഒഴിവാക്കി കലാപരിപാടികള്‍ക്ക് സമയം കണ്ടെത്തിയതും പ്രത്യേകതയായി. ഫൊക്കാനയുടെ ചരിത്രത്താളുകളിൽ രേഖപ്പെടുത്തുന്ന വിധമായിരുന്നു ആഘോഷങ്ങൾ അരങ്ങേറിയത് .
ഉദ്ഘാടനവേദിയിൽ പ്രശസ്ത സിനിമാ താരം സോനാ നായർ മുഖ്യാ അതിഥിയായി ,മത പുരോഹിതരായ ഫാദർ വിത്സൺ ,ഹരി ഓം സ്വാമി വിജയകുമാർ തുടങ്ങിയവർ ആശംസാ പ്രസംഗം നടത്തി.
ഫൊക്കാനയുടെ പ്രസിഡന്റ് ഡോ .ബാബു സ്റ്റീഫൻ നിലവിളക്കിനു തിരികൊളുത്തി ആഘോഷങ്ങൾക്ക് തുടക്കം കുറിച്ചു .ഭിന്നതകള്‍ക്കപ്പുറം സൗഹൃദവും സ്‌നേഹവും നിലനിര്‍ത്തുന്നതാണ് അസോസിയേഷന്റെ ശക്തി എന്നും .വിയോജിച്ചു നിന്നവരുമായി ചർച്ചകൾ നടത്തി ഫൊക്കാനയെ ഐക്യത്തോടെ തനിക്കു മുന്നോട്ടു കൊണ്ടുപോവാൻ സാധിച്ചതിൽ ഫൊക്കാനയുടെ മുൻ പ്രസിഡന്റുമാരായ പോൾ കറുകപ്പള്ളിക്കും ,മാധവൻ നായർക്കും സുപ്രധാന പങ്കു വഹിക്കാൻ സാധിച്ചതിൽ താൻ അഭിമാനിക്കുന്നു എന്നും അദ്ദേഹം അദ്ധ്യക്ഷ പ്രസംഗത്തിൽ കൂട്ടിച്ചേർത്തു ..ഫൊക്കാനയിലെ ഭിന്നത അവസാനിച്ചുവെന്നുള്ള അദ്ദേഹത്തിന്റെ പ്രസ്താവന സദസിൽ നിറഞ്ഞ കയ്യടി നേടി
..
വിയോജിച്ചവരെ ഒരുമിപ്പിച്ചു മുന്നോട്ടു കൊണ്ടുപോകുവാൻ മുൻ സെക്രട്ടറി സുധാ കർത്താ,ഫൊക്കാന സെക്രട്ടറി ഡോ. കലാ ഷഹി എന്നിവരുടെ പ്രയത്നത്തെ ചെറുതായി കാണാൻ സാധിക്കില്ല
ഓണാഘോഷങ്ങളുടെ മുഴുവൻ ചിലവുകൾ വഹിക്കുകയും ,സംഘടനയെ ഐക്യത്തോടുകൂടി മുന്നോട്ടു കൊണ്ടുപോകുന്നതിൽ ഡോ .ബാബു സ്റ്റീഫന്റെ പങ്ക് സുപ്രധാനമാണെന്നും കമ്മറ്റി ഭാരവാഹികൾ കൂട്ടിച്ചേർത്തു. മുൻ പ്രസിഡന്റ് പോൾ കറുകപ്പള്ളിൽ , മാധവൻ നായർ , സുധാ കർത്താ എന്നിവര് ചടങ്ങിൽ പ്രധാന പങ്ക് വഹിച്ചു
അസോസിയേഷന്‍ പ്രസിഡന്റ് ഡോ . ബാബു സ്റ്റീഫൻ , ഡോ. കലാ ഷഹി , ട്രഷർ ബിജു ജോൺ ,എക്സ്. വൈസ് പ്രസിഡന്റ് ഷാജി വർഗീസ് , ജോയിന്റ് സെക്രട്ടറി ജോയി ചക്കപ്പാൻ , അഡിഷണൽ ജോയിന്റ് സെക്രട്ടറി സോണി അമ്പൂക്കൻ , ജോയിന്റ് അഡീഷണൽ ട്രഷർ ജോർജ് പണിക്കർ , കൺവെൻഷൻ ചെയർ ജോൺസൻ തങ്കച്ചൻ , മുൻ പ്രസിഡന്റുമാരായ പോൾ കറുകപ്പള്ളിൽ , മാധവൻ നായർ , ജോർജി വർഗീസ് ട്രസ്റ്റീ ബോർഡ് വൈസ് ചെയർ സണ്ണി മാറ്റമന , ട്രസ്റ്റീ ബോർഡ് മെംബെർ സജിമോൻ ആന്റണി, റീജണൽ വൈസ് പ്രസിഡന്റുമാരായ രേവതി പിള്ള , ദേവസി പാലാട്ടി അപ്പുകുട്ടൻ പിള്ള , ജോൺസൻ തങ്കച്ചൻ നാഷണൽ കമ്മിറ്റി മെംബേർസ് ആയ ശ്രീകുമാർ ഉണ്ണിത്താൻ , നിരീഷ് ഉമ്മൻ , അജു ഉമ്മൻ , അലക്സ് എബ്രഹാം , ഡോൺ തോമസ് , സിജു സെബാസ്റ്റ്യൻ , കൺവെൻഷൻ വൈസ് ചെയർ വിപിൻ രാജു, ഫിനാൻസ് ഡയറക്ടർ നോബിൾ ജോസഫ് , അസോസിയേഷൻ പ്രസിഡന്റുമാരായ ബീന ടോമി (KCS) പ്രീതി സുധ (KAGW )അജിത് പോൾ (HRMA )ലിനോസ്സ് ഇടശ്ശേരി , വിജോയ് പട്ടമാടി (കൈരളി ബാൾട്ടിമോർ )ജോസഫ് പോത്തൻ (NAM ) മധു നമ്പ്യാർ (KAGW മുൻ പ്രസിഡന്റ് ) ലീല മാരേട്ട് തുടങ്ങിയവർ ഓണാഘോഷങ്ങൾക്കും നേതൃത്വം നല്‍കി.
