ദുബൈ: യു.എ.ഇയിലെ സ്വകാര്യ മേഖലക്ക് നബിദിന അവധി പ്രഖ്യാപിച്ചു. ഒക്ടോബർ എട്ട് ശനിയാഴ്ചയാണ് ശമ്പളത്തോടെയുള്ള അവധിയെന്ന് മാനവവിഭവശേഷി, എമിററ്റൈസേഷൻ മന്ത്രാലയം പ്രസ്താവനയിൽ അറിയിച്ചു. ഇതോടെ ഞായറാഴ്ച നിലവിൽ വാരാന്ത്യ അവധിദിനമായ സ്ഥാപനങ്ങളിലെ ജീവനക്കാർക്ക് തുടർച്ചയായ രണ്ടുദിവസത്തെ അവധി ലഭിക്കും.
ഹിജ്റ കലണ്ടറിലെ റബീഉൽ അവ്വൽ മാസം 12നാണ് വിവിധ രാജ്യങ്ങളിൽ പ്രവാചകന്‍റെ ജന്മദിനമായ നബിദിനം ആചരിക്കുന്നത്. പൊതു മേഖലയിലെ ജീവനക്കാർക്ക് ശനിയാഴ്ച നിലവിൽ വാരാന്ത്യ അവധിയാണ്.
യു.എ.ഇ ദേശീയദിനത്തോടനുബന്ധിച്ച് ഡിസംബറിലാണ് അടുത്ത ഒഴിവുദിവസം യു.എ.ഇയിൽ വരുന്നത്.
