ന്യൂഡൽഹി: ഇസ്രായേൽ- ഫലസ്തീൻ സംഘർഷം അടിയന്തരമായി അവസാനിപ്പിക്കണമെന്ന് യു.എൻ രക്ഷാസമിതിയിൽ ആവശ്യപ്പെട്ട് ഇന്ത്യ. ”കൂടുതൽ ഗുരുതരമാകുംമുമ്പ് അടിയന്തരമായി സംഘർഷം നിർത്തലാണ് ആവശ്യം. ഇരു വിഭാഗങ്ങളും ആത്മ നിയന്ത്രണം പാലിച്ച് ആക്രമണത്തിൽനിന്ന് വിട്ടുനിൽക്കണം. ജറൂസലമിലും പരിസരങ്ങളിലും തത്സ്ഥിതി തുടരുകയും വേണം’- യു.എന്നിലെ ഇന്ത്യൻ സ്ഥിരാംഗവും അംബാസഡറുമായ ടി.എസ് തിരുമതി പറഞ്ഞു.
ഗസ്സയിൽനിന്ന് റോക്കറ്റാക്രമണവും ഇസ്രായേലി ആക്രമണവും അവസാനിപ്പിക്കണമെന്നും ഇവ കടുത്ത ദുരിതമാണ് വിതക്കുന്നതെന്നും പ്രസ്താവനയിൽ ആവശ്യപ്പെട്ടു.
