ഇസ്‌ലാമാബാദ്: മുൻ പ്രധാനമന്ത്രി ഇമ്രാൻ ഖാന്‍റെ അറസ്റ്റ് നിയമവിരുദ്ധമെന്ന് പാക്കിസ്ഥാൻ സുപ്രീം കോടതി. അറസ്റ്റ് കോടതി അസാധുവാക്കി. ഇമ്രാൻ ഖാനെ ഉടൻ മോചിപ്പിക്കാനും ഉത്തരവിട്ടു.
ചീഫ് ജസ്റ്റീസ് ഉമർ അത ബൻഡിയൽ അധ്യക്ഷനായ ബെഞ്ചിന്‍റേതാണ് ഉത്തരവ്. അനുയായികളെ നിയന്ത്രിക്കാൻ ഇമ്രാന് കോടതി നിർദേശം നൽകി. കോടതിക്കുള്ളിൽനിന്ന് ആരെയും അറസ്റ്റ് ചെയ്യരുതെന്ന് കോടതി സർക്കാരിന് കർശന നിർദേശം നൽകി.
ഇസ്‌ലാമാബാദ് ഹൈക്കോടതിയെ സമീപിക്കാൻ മുൻ പ്രധാനമന്ത്രിയോട് സുപ്രീം കോടതി പറഞ്ഞു.
