ആന്റിഗ്വ: വെസ്റ്റിൻഡീസും ശ്രീലങ്കയും തമ്മിലുള്ള ടെസ്റ്റ് പരമ്പരയിലെ രണ്ടാമത്തേയും അവസാനത്തേയും മത്സരവും സമനിലയിൽ കലാശിച്ചു. ആദ്യത്തെ മത്സരവും സമനിലയിൽ അവസാനിച്ചിരുന്നു. 376 റൺസിന്റെ വിജയലക്ഷ്യം പിന്തുടർന്നിറങ്ങിയ ശ്രീലങ്ക സമനിലയ്ക്കായാണ് ബാറ്റ് ചെയ്തത്. കളിയവസാനിക്കുമ്പോൾ ശ്രീലങ്ക രണ്ട് വിക്കറ്റ് നഷ്ടത്തിൽ 193 റൺസെന്ന നിലയിലായിരുന്നു. ദിമുത് കരുണരത്നെ 75 റൺസുമായി പുറത്താകാതെ നിന്നു.
ഫെർണാണ്ടോ 66 റൺസെടുത്തു. സ്കോർ: 354/10, 280/4 ഡിക്ലയേർഡ്. ശ്രീലങ്ക 258/10, 193/2.വിൻഡീസിന്റെ ക്രെയ്ഗ് ബ്രാത്ത്വെയ്റ്റ് മത്സരത്തിലെ താരമായും ശ്രീലങ്കയുടെ സുരംഗ ലക്മൽ പരമ്പരയുടെ താരമായും തിരഞ്ഞെടുക്കപ്പെട്ടു.