ടോക്കിയോ: ഒളിന്പിക്സ് ബോക്സിംഗിൽ ഇന്ത്യയ്ക്ക് കനത്ത തിരിച്ചടി. ഇന്ത്യൻ മെഡൽ പ്രതീക്ഷയായിരുന്നു മേരി കോം പ്രീക്വാർട്ടറിൽ വീണു. 51 കിലോ ഫ്ളൈവെയ്റ്റില് കൊളംബിയൻ താരം ഇൻഗ്രിറ്റ് വലൻസിയയോടാണ് മേരി കോം പരാജയപ്പെട്ടത്.
കടുത്ത പോരാട്ടം കണ്ട മത്സരത്തില് 3-2നായിരുന്നു തോല്വി. മേരിയുടെ അവസാന ഒളിന്പിക്സായിരുന്നു ഇത്.
ലണ്ടന് ഒളിമ്പിക്സില് വെങ്കലം നേടിയ മേരികോം ആറുവട്ടം ലോകചാമ്പ്യനായിട്ടുണ്ട്. ഏഷ്യന് ചാമ്പ്യന്ഷിപ്പിലും ഒന്നാമതെത്തിയിരുന്നു.