ജൊഹാനസ്ബർഗ്: ഇന്ത്യക്കെതിരായ രണ്ടാം ടെസ്റ്റിൽ ദക്ഷിണാഫ്രിക്കയ്ക്ക് 27 റൺസിന്‍റെ ഒന്നാം ഇന്നിംഗ്സ് ലീഡ്. ആദ്യ ഇന്നിംഗ്സിൽ ആതിഥേയർ 229 റൺസിന് പുറത്തായി.
ഏഴു വിക്കറ്റ് വീഴ്ത്തി മിന്നും പ്രകടനം നടത്തിയ ശാർദുൽ ഠാക്കൂറാണ് ദക്ഷിണാഫ്രിക്കയെ വൻ ലീഡിൽനിന്നും തടഞ്ഞത്. മുഹമ്മദ് ഷമി രണ്ടും ബുംമ്ര ഒരു വിക്കറ്റും സ്വന്തമാക്കി.
അർധസെഞ്ചുറി നേടിയ കീഗൻ പീറ്റേഴ്സണും (62) ടെമ്പാ ബാവുമയുമാണ് (51) ദക്ഷിണാഫ്രിക്കയെ തകർച്ചയിൽനിന്നും രക്ഷിച്ചത്. ക്യാപ്റ്റൻ ഡീൻ എൽഗാർ (28), കൈലി വെറെന്നി (21), മാർകോ ജാൻസെൻ (21), കേശവ് മഹാരാജ് (21) എന്നിവരും ഭേദപ്പെട്ട പ്രകടനം നടത്തി.
ഇന്ത്യ വിക്കറ്റ് നഷ്ടപ്പെടാതെ 24 റൺസ് എന്ന നിലയിലാണ്. കെ.എൽ രാഹുലും (8) മായങ്ക് അഗർവാളുമാണ് (16) ക്രീസിൽ.
