ഹൂസ്റ്റൺ : വേൾഡ് മലയാളി കൗൺസിൽ ഗ്ലോബൽ കൗൺസിൽ തെരെഞ്ഞെടുപ്പിൽ ചെയർമാനായി ജോണി കുരുവിളയും പ്രസിഡന്റായി ടി പി വിജയനും വൈസ് പ്രസിഡന്റ് -അഡ്മിനായി  സി യു മത്തായിയും ജനറൽ സെക്രട്ടറിയായി പോൾ പാറപ്പള്ളിയും ട്രഷററായി ജെയിംസ് കൂടലും ,  ജോസഫ്‌ കില്ലിയൻ (വൈസ് പ്രസിഡന്റെ – യൂറോപ്പ് റീജിയൻ ),ജോർജ്ജ് കുളങ്ങര ‌ ,ഡോ .അജി കുമാർ കവിദാസൻ ,രാജീവ് നായർ (വൈസ് ചെയർമാൻമാർ ) എന്നിവർ  വിജയിച്ചു .
ഏറെ ശ്രദ്ധിക്കപ്പെട്ട വോട്ടെടുപ്പിൽ ആറു റീജിയനുകളിൽ നിന്നും  95 പ്രതിനിധികൾ കോവിഡിന്റെ സാഹചര്യത്തിൽ  ഇ വോട്ടിംഗ് ഇപയോഗിച്ചാണ് ‌ പുതിയ ഭരണസമിതിയെ തെരെഞ്ഞടുത്തത് . മുഖ്യ തെരെഞ്ഞെടുപ്പ് കമ്മീഷണർ എ എസ് ജോസിന്റെ നേതൃത്വത്തിലാണ് തെരെഞ്ഞെടുപ്പ്  നടന്നത് .

ഡോ സൂസൻ ജോസഫ് ( വൈസ് ചെയർ പേഴ്സൺ ) ബേബി മാത്യു സോമതീരം ( വൈസ് പ്രസിഡന്റ് -ഓർഗനൈസേഷൻ ), എസ് കെ ചെറിയാൻ (വൈസ് പ്രസിഡന്റ് -അമേരിക്ക  റീജിയൻ), ഷാജി  എം മാത്യു ( വൈസ് പ്രസിഡന്റെ -ഇന്ത്യ റീജിയൻ ), ചാൾസ് പോൾ ( വൈസ് പ്രസിഡന്റെ – മിഡിൽ ഈസ്റ്റ് റീജിയൻ ) സിസിലി ജേക്കബ് (വൈസ് പ്രസിഡന്റെ -ആഫ്രിക്ക റീജിയൻ ),ഇർഫാൻ മാലിക്ക് (വൈസ് പ്രസിഡന്റെ – ഫാർ ഈസ്റ്റ് റീജിയൻ ) ദിനേശ് നായർ , ടി വി എൻ കുട്ടി (സെക്രട്ടറി മാർ) ,ഡോ സുനന്ദാ കുമാരി ,എൻ പി വാസു നായർ (ജോയിന്റ് സെക്രട്ടറിമാർ ), പ്രോമിത്യുസ്‌ ജോർജ്ജ് (ജോയിന്റ് ട്രഷറർ ) എന്നിവർക്ക് എതിർ സ്ഥാനാർത്ഥികൾ ഇല്ലാതിരുന്നതിനാൽ മുഖ്യ തെരെഞ്ഞെടുപ്പ് കമ്മീഷൻ അവരെ വിജയികളായി പ്രഖ്യാപിച്ചു

 ഇന്ത്യ റീജിയൻ  നിന്നുള്ള അഡ്വ :സിറിയക്ക് തോമസിനെ പരാജയപ്പെടുത്തി  നിലവിലെ  പ്രസിഡന്റ് ജോണി കുരുവിള ചെയർമാനായി വിജയിച്ചു .  

അത്യന്തം വാശിയേറിയ തെരെഞ്ഞെടുപ്പില്‍ അമേരിക്ക റീജിയനിലെ ന്യൂ ജേഴ്‌സി പ്രോവിന്സിൽ നിന്നുള്ള തോമസ് മൊട്ടക്കലിനെ പരാജയപ്പെടുത്തി പൂനാ  പ്രോവിന്സിൽ നിന്നുള്ള ടി. പി. വിജയൻ പ്രസിഡന്റായി വിജയിച്ചു.ജനറൽ സെക്രട്ടറിയായി തെരെഞ്ഞെടുക്കപ്പെട്ട മുബൈ പ്രോവിന്സിൽ നിന്നുമുള്ള പോൾ പാറപ്പള്ളി സൗദി അറേബ്യ അൽകോബാർ പ്രോവിന്സില്നിന്നുമുള്ള മൂസാ കോയയെയാണ് പരാജയപ്പെടുത്തിയത് .

ആസ്ട്രിയയിൽനിന്നുമുള്ള സണ്ണി ജോർജ്ജ് വെളിയത്തിനെ  പരാജയപ്പെടുത്തിയാണ്  ഹ്യൂസ്റ്റൺ പ്രോവിന്സിൽ നിന്നുമുള്ള ജെയിംസ് കൂടല്‍ ട്രഷറർ സ്ഥാനത്തേക്ക് വിജയിച്ചത്.

ഒരു ആഗോള സംഘടനയുടെ ഗ്ലോബൽ തെരെഞ്ഞെടുപ്പ്  ഇ -വോട്ടിംഗിലൂടെ സുതാര്യവും നീതി പൂർവ്വവം നടത്തുവാൻ സാധിച്ചത് വേൾഡ് മലയാളി കൗൺസിലിന് സിൽവർ ജൂബിലി വർഷത്തിൽ കൂടുതൽ കരുത്ത് പകരുമെന്നും  സംഘടനയുടെ എല്ലാ പ്രോവിൻസുകളിൽ നിന്നും മുഴുവൻ പ്രതിനിധികളെയും പങ്കെടുപ്പിച്ച്‌ കൊണ്ട് തെരെഞ്ഞെടുപ്പ് പൂർത്തികരിക്കുവാൻ കഴിഞ്ഞതിൽ വളരെ ചാരിതാർഥ്യം ഉണ്ടന്ന് ഇലക്ഷൻ കമ്മീഷണർ എ എസ് ജോസ് അറിയിച്ചു .


റിപ്പോർട്ട് : ജീമോൻ റാന്നി 

LEAVE A REPLY

Please enter your comment!
Please enter your name here