ഷിക്കാഗോ: എക്യൂമെനിക്കല്‍ കൗണ്‍സില്‍ ഓഫ് കേരള ചര്‍ച്ചസും, ഷിക്കാഗോ മാര്‍ത്തോമാ യുവജന സഖ്യവും സംയുക്തമായി സംഘടിപ്പിക്കുന്ന രക്തദാന ക്യാമ്പ് ഒക്‌ടോബര്‍ 21-നു ശനിയാഴ്ച രാവിലെ 9 മുതല്‍ വൈകുന്നേരം 3 മണി വരെ 240 ഡബ്ല്യു. പോട്ടര്‍ റോഡ്, ഡസ്‌പ്ലെയിന്‍സിലുള്ള ഷിക്കാഗോ മാര്‍ത്തോമാ ചര്‍ച്ച് പാരീഷ് ഹാളില്‍ വച്ചു ലൈഫ് സോഴ്‌സിന്റെ നേതൃത്വത്തില്‍ നടത്തപ്പെടുന്നതാണ്. ക്യാമ്പിന്റെ രജിസ്‌ട്രേഷന്‍ കിക്ക്ഓഫ് അഭിവന്ദ്യ ബിഷപ്പ് മാര്‍ ജോയി ആലപ്പാട്ട് നിര്‍വഹിക്കുകയുണ്ടായി.
ഷിക്കാഗോയിലുള്ള 15 സഭകളുടെ ഐക്യ കൂട്ടായ്മയാണ് എക്യൂമെനിക്കല്‍ കൗണ്‍സില്‍ ഓഫ് കേരളാ ചര്‍ച്ചസ്. സഭാ ഭേദമെന്യേ ഈ സംരംഭം വിജയകരമാക്കുവാന്‍ ഏവരുടേയും സഹകരണം പ്രതീക്ഷിക്കുന്നതായി എക്യൂമെനിക്കല്‍ കൗണ്‍സില്‍ പ്രസിഡന്റും, ഷിക്കാഗോ മാര്‍ത്തോമാ ചര്‍ച്ച് വികാരിയുമായ റവ. ഏബ്രഹാം സ്കറിയ, വൈസ് പ്രസിഡന്റ് റവ.ഫാ. മാത്യൂസ് ജോര്‍ജ്, സെക്രട്ടറി ഗ്ലാഡ്‌സണ്‍ വര്‍ഗീസ്, ജനറല്‍ കണ്‍വീനര്‍ സുനീനാ മോന്‍സി ചാക്കോ എന്നിവര്‍ അറിയിച്ചു.
പേര് രജിസ്റ്റര്‍ ചെയ്യുവാന്‍ ആഗ്രഹിക്കുന്നവര്‍ ബന്ധപ്പെടുക: സുനീനാ മോന്‍സി ചാക്കോ (847 401 1670), റോയ് തോമസ് (ഷിക്കാഗോ മാര്‍ത്തോമാ ചര്‍ച്ച്) 224 795 0619, ഗ്ലാഡ്‌സണ്‍ വര്‍ഗീസ് (എക്യൂമെനിക്കല്‍ സെക്രട്ടറി) 847 561 8402).
