മുംബൈ: വിശ്രമം വേണമെന്നു തോന്നിയാൽ ബിസിസിഐയോട് ആവശ്യപ്പെടുമെന്ന് വിരാട് കോഹ്ലി. ശ്രീലങ്കയ്ക്കെതിരായ ഒന്നാം ടെസ്റ്റിനു മുന്നോടിയായി മാധ്യമങ്ങളോടു സംസാരിക്കുകയായിരുന്നു നായകൻ.
എന്റെ ശരീരത്തിനു വിശ്രമം വേണമെന്ന് എനിക്കു തോന്നുന്പോൾ ഞാനത് ആവശ്യപ്പെടും. ഞാൻ ഒരു റോബോട്ടല്ല. എന്റെ ചർമം കീറി നോക്കിയാൽ ചോര പൊടിയുന്നതു കാണാം- കോഹ്ലി മാധ്യമങ്ങളോടു പറഞ്ഞു. ഫീൽഡിൽ ആവശ്യപ്പെടുന്നതിലും കൂടുതൽ സമർപ്പണം നടത്തുന്നവർക്ക് വിശ്രമം ആവശ്യമാണെന്നും ഹാർദിക് പാണ്ഡ്യക്കു വിശ്രമം നൽകിയതിനെ സംബന്ധിച്ച ചോദ്യത്തിനു കോഹ്ലി മറുപടി നൽകി.