ന്യൂജഴ്സി: പുതുവത്സരദിനത്തില് ബുദ്ധിമാന്ദ്യമുള്ള 16 വയസുകാരിയുടെ വെടിയേറ്റ് മാതാപിതാക്കളായ സ്റ്റീവന് (44), ലിന്സ്(42) സഹോദരി ബ്രിട്ടണി(18) മേരി ഷുല്ട്ട്സ് (70) എന്നിവര് കൊല്ലപ്പെട്ടതായി ജനുവരി 1 തിങ്കളാഴ്ച മണ്മൗത്ത് കൗണ്ടി പ്രോസിക്യൂട്ടര് ക്രിസ്റ്റഫര് നടത്തിയ പത്രസമ്മേളനത്തില് അറിയിച്ചു.
വെടിവച്ച പെണ്കുട്ടിയുടെ പ്രായം കണക്കിലെടുത്ത് കൂടുതല് വിവരങ്ങള് വെളിപ്പെടുത്തിയിട്ടില്ല.
സെമി ഓട്ടോമാറ്റിക്ക് ഗണ് ഉപയോഗിച്ചാണ് വെടിവച്ചതെന്നും തോക്ക് വീട്ടില് സൂക്ഷിച്ചിരുന്നതാണോ എന്ന് അന്വേഷിച്ചുവരുന്നതായും പൊലീസ് പറഞ്ഞു.
നാലു ഫസ്റ്റ് ഡിഗ്രി മര്ഡര്, നിയമ വിരുദ്ധമായി ആയുധം കൈവശം വക്കല് തുടങ്ങി നാലു വകുപ്പുകളാണ് പ്രതിയുടെ പേരില് കേസ്സെടുത്തിരിക്കുന്നത്. ചൊവ്വാഴ്ച പെണ്കുട്ടിയെ കോടതിയില് ഹാജരാക്കുമെന്നും പൊലീസ് അറിയിച്ചു.